كورونوۆيرۋس ٸندەتٸنە بايلانىستى «قورعاس» ورتالىعىن جابۋ مەرزٸمٸ تاعى دا ۇزارتىلدى. قىتايدىڭ تاۋارى ساۋدالاناتىن جەر ەندٸ اقپاننىڭ سوڭىنا دەيٸن ٸستەمەيدٸ, دەپ حابارلايدى "ۇلت اقپارات".
«بۇعان دەيٸن حابارلاعانىمىزداي, «قورعاس» حالىقارالىق شەكارا ماڭى ىنتىماقتاستىق ورتالىعى كوروناۆيرۋستىڭ الدىن الۋ ماقساتىندا 15 اقپانعا دەيٸن جابىلدى. وسى جايتقا بايلانىستى ەندٸ ۋاقىت مەرزٸمٸ اقپاننىڭ سوڭىنا دەيٸن ۇزارتىلدى.
ايتا كەتۋ كەرەك, الماتى وبلىسىنىڭ ەكٸمٸ اماندىق باتالوۆتىڭ تاپسىرماسىنا سەيكەس بۇل ۋاقىت ارالىعىندا «قورعاس» حشىو-نىڭ عيماراتىنا جٶندەۋ جۇمىستارى جٷرگٸزٸلەدٸ. بارلىعىنا بەلگٸلٸ, ول جەردە بٸراز پروبلەمالار بار. تۇرعىندار حالىقتىڭ كٶپتٸگٸ سالدارىنان, كەپتەلٸس تۋىنداپ, تٷرلٸ قيىندىقتارعا تاپ بولاتىنىن ايتقان ەدٸ. قازٸر «قورعاس» ورتالىعىنىڭ جاڭا باسشىسىنىڭ الدىندا ٶتكەلدٸ جاڭعىرتۋ تاپسىرماسى تۇر», - دەدٸ الماتى وبلىسى ەكٸمٸنٸڭ باسپاسٶز حاتشىسى عالىمۇرات جٷكەل.
ەستەرٸڭٸزگە سالا كەتەيٸك, بۇعان دەيٸن «قورعاس» ورتالىعىنىڭ 15 اقپانعا دەيٸن جۇمىسىن ۋاقىتشا توقتاتقانىن حابارلاعان بولاتىنبىز.
