"قورعاس ٸسٸندەگٸ" نەگٸزگٸ ايىپتالۋشىلاردىڭ بٸرٸ بولعان ۇلتتىق قاۋٸپسٸزدٸك كوميتەتٸنٸڭ بۇرىنعى قىزمەتكەرٸ تالعات جاقاەۆ پەن الماتى وبلىسى كەدەن قىزمەتٸنٸڭ بۇرىنعى باسشىسى قۇرمانبەك ارتىقباەۆ بوستاندىققا شىقتى. ولاردىڭ ٶتەلمەگەن جازاسىن ايىپپۇلعا اۋىستىردى.
قازاقستاننىڭ بٸرنەشە اقپارات قۇرالىندا جارييالانعان بۇل مەلٸمەتتٸ شىعىس قازاقستان وبلىستىق سوتىنىڭ باسپاسٶز قىزمەتٸ راستادى, دەپ حابارلايدى ازاتتىق.
قازاقستاننىڭ قىلمىستىق ٸستەر بويىنشا مامانداندىرىلعان اۋدانارالىق ەسكەري سوتى "قورعاس ٸسٸ" بويىنشا ايىپتاۋ ٷكٸمٸن 2014 جىلى 12 سەۋٸردە شىعارعان.
سوت ايىپتاۋى بويىنشا, "قورعاس" كەدەن بەكەتٸندەگٸ الاياق ەرەكەتتەردٸ ۇلتتىق قاۋٸپسٸزدٸك كوميتەتٸنٸڭ جوعارى لاۋازىمدى تۇلعالارى جاسىرىپ كەلگەن. ٶزگە دە داۋازىمدى تۇلعالارمەن قاتار, ۇقك پولكوۆنيگٸ تالعات جاقاەۆ 17 جىلعا, الماتى وبلىسىنىڭ كەدەندٸك باقىلاۋ دەپارتامەنتٸنٸڭ بۇرىنعى باستىعى قۇرمانبەك ارتىقباەۆ 14 جىلعا بوستاندىعىنان ايىرىلعان.
2011 جىلى قازاقستاننىڭ سول كەزدەگٸ ەكونوميكالىق جەنە جەمقورلىق قىلمىسپەن كٷرەس اگەنتتٸگٸ الماتى وبلىسىنداعى "قورعاس" جەنە "قالجات" كەدەن بەكەتٸ مەن "الاتاۋ" تەحنيكالىق قىزمەت كٶرسەتۋ ورتالىعىن تەكسەرٸپ, 100-گە جۋىق ادامنان تۇراتىن قىلمىستىق توپ ەشكەرەلەنگەنٸن جارييالاعان. "قورعاس ٸسٸ" دەرەكتەرٸنە قاراعاندا, سوتتالعاندار قىتاي شەكاراسىنان كونتراباندالىق تاۋار ٶتكٸزۋمەن بٸرنەشە جىل اينالىسىپ كەلگەن. تاۋارلاردى قازاقستان جەنە قىرعىزستان بازارلارىنا جٸبەرگەن.
"قورعاس" – قازاقستان مەن قىتاي شەكاراسىنداعى نەگٸزگٸ كەدەن بەكەتتەرٸنٸڭ بٸرٸ. قازاقستان, قىرعىزستان جەنە رەسەيگە قىتايدان جەتكٸزٸلەتٸن جٷكتٸڭ ٷلكەن بٶلٸگٸ وسى بەكەت ارقىلى ٶتەدٸ.
