ۆيدەودان كادر: استانا ارناسى
كورەياعا جۇمىس ٸستەۋگە كەتكەن وتانداسىمىز 1,5 جىلدان بەرٸ تابىلماي جاتىر. شىعىس قازاقستان وبلىسىنىڭ تۋماسى العاشقى كەزدە اناسىمەن تۇراقتى حابارلاسىپ تۇرعان. تاپقان تابىسىن جٸبەرٸپ وتىرعان. ەندٸ اتا-انا قىزىنان حابار الا الماي جٷرگەنٸن ايتادى, - دەپ حابارلايدى "استانا" تەلەارناسى.
شىعىس قازاقستان وبلىسىنىڭ تۋماسى البينا كابدۋلدينا ەسەپشٸ ماماندىعىن مەڭگەرٸپ, ساۋدا ٷيٸندە ساتۋشى بولىپ جۇمىس ٸستەيدٸ. جولداسى قايتىس بولىپ, 13 جاستاعى جالعىز قىزىمەن قالعان. اناسىنا باسپانا الىپ بەرمەك نيەتپەن تابىسى كٶپ جۇمىس ٸزدەيدٸ. وسى ماقساتتا 2019 جىلى كورەياعا كەتەدٸ.
"ٷنەمٸ بايلانىستا بولدى. بٸر ەمەس, ەكٸ رەت شىعاتىن. جۇمىس ورنىن كٶرسەتەتٸن. قايدا ٸستەپ جاتقانىن, زاۋىتتارىن كٶرسەتەتٸن. پاندەمييا ۋاقىتىندا ۆيزاسىمەن پروبلەما بولدى. سول كەزدە شىعا الماي قالدىم دەدٸ. بٸراق باستىقتارى كەرەك زاتتى ەكەپ بەرەدٸ دەدٸ. پۋسان, سەۋل دەگەن قالالاردى اۋىستىرىپ وتىردى جۇمىس تابۋ ٷشٸن. ٷيگە قايت دەگەندە: "ٷيگە بارعاندا نە ٸستەيمٸن? تابىس جوق" دەيتٸن. ەيتەۋٸر كەلگەننەن كەيٸن بٸردەڭەسٸن جيناپ, تەرٸپ مٷمكٸن بٸردەڭە الامىز دەپ سونداي نيەتپەن كەتتٸ عوي", - دەيدٸ اناسى.
35 جاستاعى البينامەن بايلانىس 2021 جىلدىڭ 13 ماۋسىمىندا ٷزٸلدٸ. ٶزٸن قويارعا جەر تاپپاعان انا قىزىن تاۋىپ بەرەمٸن دەگەن ايلاكەرلەرگە تاپ بولىپ, 10 ميلليونعا جۋىق اقشا بەرگەن.
"مٸنە, بٸر جارىم جىل بولدى. مەن بٸلمەيمٸن قايدا ەكەنٸن...بارلىق مٷمكٸندٸكتٸ جاسادىق. دٷنيەنٸڭ اقشاسىن جٸبەردٸك. بٸر ەيەل بولىسامىن دەپ وتىرعىزىپ كەتتٸ ٷلكەن اقشاعا. سٶيتسە الاياق بوپ شىقتى. ەندٸ بٸلمەيمٸن كٸمگە سەنۋگە بولادى? قالاي ٸزدەۋگە بولادى? مەن بٸلمەيمٸن", - دەيدٸ ايگٷل بولساەۆا.
اناسىنىڭ باسپاعان تابالدىرىعى, اشپاعان ەسٸگٸ قالمادى. زاڭسىز ميگرانتتاردىڭ قۇقىعىن قورعايتىن "كورەيا كٶمەك" قايىرىمدىلىق قورىنىڭ مٷشەسٸ سامات احمەتوۆ تە وتانداسىمىزدى ٸزدەۋگە اتسالىسىپ كەلەدٸ.
تەلەارنا مەلٸمەتٸنشە, قازٸرگٸ تاڭدا وڭتٷستٸك كورەيادا 37 مىڭنان استام قازاقستاندىق بار. ولاردىڭ 11 مىڭى زاڭسىز ميگرانت. جىلىنا سول ەلدە ٸز-تٷزسٸز جوعالاتىن جەرگٸلٸكتٸ جەنە شەتەل ازاماتتارىنىڭ سانى 11 مىڭنان اسادى.
"30 كٷننەن ارتىق جٷرەتٸن بولسا, اۆتوماتتى تٷردە زاڭسىز بوپ ەسەپتەلٸنەدٸ. ناقتىسىن ايتقاندا, بارىپ جاتقان ادامداردىڭ 80-90 پروتسەنتٸ سول جاقتا جۇمىسقا قالىپ قويىپ جاتقان ادامدار. ول جاقتاعى ايلىقتى تولىق ايتا المايمىن ەندٸ. بٸراق بٸزدٸڭ ەستۋٸمٸز بويىنشا 800-900 مىڭ تەڭگەدەن باستالادى", - دەيدٸ كورەياعا كەڭەس بەرۋ ورتالىعىنىڭ باسشىسى يسلامبەك ەليەۆ.
