19 سەۋٸردە قىرعىز رەسپۋبليكاسىنىڭ پرەزيدەنتٸ سادىر جاپاروۆتىڭ قازاقستانعا رەسمي ساپارى اياسىندا قازاقستاننىڭ مەدەنيەت قايراتكەرلەرٸنە مەملەكەتتٸك ناگرادالار تابىستاۋ رەسٸمٸ ٶتكەن. بۇل تۋرالى مەدەنيەت جەنە اقپارات مينيسترلٸگٸ حابارلادى.
سالتاناتتى ٸس-شارا بارىسىندا قىرعىزستاننىڭ مەملەكەتتٸك حاتشىسى سٷيٸنبەك قاسمامبەتوۆ مەدەنيەت جەنە ٶنەر ٶكٸلدەرٸن مەملەكەتتٸك ناگرادالارمەن ماراپاتتاۋ عاسىرلارعا ۇلاسقان دوستىقتىڭ, ورتاق مەدەنيەتتٸڭ, دامىپ كەلە جاتقان ىنتىماقتاستىقتىڭ بەلگٸسٸ ەكەنٸن اتاپ ٶتتٸ. سونىمەن قاتار ونىڭ مەدەني-گۋمانيتارلىق بايلانىستاردىڭ قارقىندى دامۋىنا باعىتتالعان قادام رەتٸندە قاراستىرىلۋى كەرەك ەكەنٸن سٶز ەتتٸ.
قىرعىز رەسپۋبليكاسى مەن قازاقستان اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلٸ ٷلەسٸ ٷشٸن قىرعىزستان پرەزيدەنتٸنٸڭ جارلىعىمەن قازاقستان رەسپۋبليكاسىنىڭ قوعام قايراتكەرٸ, مەدەنيەتتانۋشى مۇرات ەۋەزوۆ, كٶرنەكتٸ اقىن, ديپلومات, قازاقستان رەسپۋبليكاسىنىڭ قىرعىز رەسپۋبليكاسىنداعى بۇرىنعى ەلشٸسٸ مۇحتار شاحانوۆ «داناكەر» وردەنٸمەن ماراپاتتالدى. ال «دوستۋك» وردەنٸ پۋبليتسيست, ەدەبيەتتانۋشى, جۋرناليست, كينوسىنشى, مەجٸلٸستٸڭ بۇرىنعى دەپۋتاتى ساۋىتبەك ەبدٸراحمانوۆقا, قازاقستان رەسپۋبليكاسىنىڭ مەملەكەت جەنە قوعام قايراتكەرٸ, تٷركٸتانۋشى عالىم مىرزاتاي جولداسبەكوۆكە جەنە ەل-فارابي اتىنداعى قازاق ۇلتتىق ۋنيۆەرسيتەتٸنٸڭ باسقارما تٶراعاسى, رەكتور جانسەيٸت تٷيمەباەۆقا تابىستالدى.
«داڭك» وردەنٸن حالىقارالىق تٷركٸ مەدەنيەتٸ مەن مۇراسى قورىنىڭ پرەزيدەنتٸ اقتوتى رايىمقۇلوۆا يەلەندٸ.
سونداي-اق «قىرعىز رەسپۋبليكاسىنىڭ حالىق ەرتٸسٸ» قۇرمەتتٸ اتاعى قازاقستاندىق بەلگٸلٸ كومپوزيتور التىنبەك قورازباەۆقا, تانىمال ەسترادا ەنشٸسٸ روزا رىمباەۆاعا بەرٸلدٸ.
"1996 جىلى ماعان قىرعىزستاننىڭ ەڭبەك سٸڭٸرگەن مەدەنيەت قايراتكەرٸ اتاعى بەرٸلدٸ. 28 جىلدان كەيٸن «قىرعىز رەسپۋبليكاسىنىڭ حالىق ەرتٸسٸ» قۇرمەتتٸ اتاعىن الىپ وتىرمىن. بۇل – مەن ٷشٸن ٷلكەن جەتٸستٸك", - دەدٸ روزا رىمباەۆا.
ال «تاڭ-شولپان» كٶركەم-ەدەبي جۋرنالى رەداكتورلار كەڭەسٸنٸڭ تٶراعاسى, باس ديرەكتورى ديدار قۇلكەنوۆ «داڭك» مەدالٸمەن ماراپاتتالدى.
