دەنساۋلىق ساقتاۋ مينيسترٸ ەلجان بٸرتانوۆ قازاقستاندا كوروناۆيرۋس تارالۋ جاعدايىنىڭ قاشان بەسەڭدەيتٸنٸ تۋرالى بولجامىن بٶلٸستٸ, دەپ حابارلايدى "ۇلت اقپارات".
«كەز كەلگەن ينفەكتسييانىڭ شارىقتاۋ شەگٸ بارىن ايتىپ كەلەمٸز. دەنساۋلىق ساقتاۋ مينيسترلٸگٸنٸڭ, ٷكٸمەتتٸڭ دۇرىس ەرەكەتٸنە قاراي ول بەسەڭدەيدٸ. جالپى كٶپ ەلدە اۋرۋدىڭ تارالىپ, بەسەڭدەۋ ۋاقىتى ٷش ايدى الىپ وتىر. الايدا ەلەمدەگٸ بٸر دە بٸر ەل ەلٸ دە نٶلدٸك دەڭگەيگە جەتكەن جوق. قحر-دا جاڭادان جۇقتىرعانداردىڭ مٷلدە تٸركەلمەگەن وقيعاسى بولعان. الايدا ينفەكتسييا قازٸر ەلەمنەن ەشقايدا ۇشىپ كەتكەن جوق. اينالىپ جٷر. ەزٸرگە جوعالار تٷرٸ بايقالمايدى», - دەدٸ ەلجان بٸرتانوۆ تەنگرينيۋس Instagram پاراقشاسىنىڭ تٸكەلەي ەفيرٸندە.
وسى سەبەپتٸ مينيستر كوروناۆيرۋس بەسەڭدەگەن كٷننٸڭ ٶزٸندە بەلگٸلٸ بٸر ۋاقىت ٸشٸندە اۋرۋدى جۇقتىرۋ جاعدايى بولاتىنىن ايتادى.
«سوندىقتان اۋرۋدىڭ ٶسٸمٸن, شارىقتاۋ شەگٸ مەن بەسەڭدەۋ ۋاقىتىن ٷش اي بويى باقىلاۋدا ۇستايمىز. الايدا مامىردان كەيٸن بەرٸ ورنىنا كەلە قالادى دەپ تاعى ايتا المايمىز. ەلبەتتە ينفەكتسييانىڭ بەلگٸلٸ بٸر مٶلشەردە تٸركەلەتٸنٸ تۋرالى بولجام بار. بٸزدٸڭ مٸندەت – وسى جاعدايدا ٶمٸر سٷرۋگە ٷيرەنۋ. سەبەبٸ ينفەكتسييا جۇقپالى. حالىقتىڭ جەكەلەگەن ساناتى ٷشٸن ول ايقىن قاۋٸپ تۋعىزۋى مٷمكٸن», - دەدٸ ول.
