Facebook جەلٸسٸندە ايمان دجارلىقاسىموۆا اتىراۋ وبلىستىق ونكولوگييالىق ورتالىعىنداعى جاعدايعا قاتىستى جازبا جارييالاپ, مەديتسينالىق مەكەمەنٸڭ قازٸرگٸ احۋالىن سىنعا الدى, دەپ حابارلايدى ult.kz.
تانىسىن اۋرۋحاناعا جاتقىزۋعا بٸرگە بارعان كەزدە كٶرگەن جاعدايى ونىڭ كٶڭٸلٸن قالدىرعان.
اۆتوردىڭ سٶزٸنشە, ونكولوگييالىق ناۋقاستاردىڭ بٸر بٶلٸگٸ تەكسەرۋدەن ٶتٸپ, ەم الىپ, وتاعا كونتەينەر تٷرٸندەگٸ عيماراتتاردا دايىندالىپ جاتىر.
«2026 جىل بولسا دا, ٶزٸڭدٸ كەڭەس وداعىنا نەمەسە دالالىق گوسپيتالعا تٷسكەندەي سەزٸنەسٸڭ», – دەپ جازدى ول.
سونداي-اق قابىلداۋ بٶلٸمٸندە اۋا سالقىنداتقىشتىڭ جوقتىعى, عيماراتتىڭ ٸشٸ تىم ىستىق ەرٸ قاپىرىق بولعانى ايتىلعان. ونىڭ پٸكٸرٸنشە, مۇنداي جاعداي اۋىر ەم قابىلداپ جٷرگەن ونكولوگييالىق ناۋقاستار ٷشٸن ەسٸرەسە قيىن.
ايمان دجارلىقاسىموۆا ەلەكتروندى كەزەك جٷيەسٸ دە جۇمىس ٸستەمەگەنٸن جەتكٸزدٸ. سونىڭ سالدارىنان ادامدار قولمەن قاعازعا جازىلىپ, ەكٸ ساعاتتان استام كەزەك كٷتكەن.
«اۋلادا ناۋقاستار مەن ولاردى ەرتٸپ كەلگەن ادامدار ورىندىقتا, جەرگە وتىرىپ, تٸپتٸ اعاش پاللەتتەردٸڭ ٷستٸندە كٷتۋگە مەجبٷر بولدى. ولاردىڭ اراسىندا باسقا قالالاردان كەلگەن, حيمييالىق تەراپييادان ٶتكەن جەنە وپەراتسييادان كەيٸنگٸ ەگدە جاستاعى ادامدار دا بار», – دەيدٸ جازبا اۆتورى.
بۇدان بٶلەك, ونىڭ ايتۋىنشا, اۋرۋحانانىڭ انىقتاما قىزمەتٸنە حابارلاسۋ قيىن. قالا تەلەفون نٶمٸرلەرٸ جۇمىس ٸستەمەيدٸ, تەك ۇيالى بايلانىس ارقىلى عانا حابارلاسۋعا بولادى.
جازبادا اۋرۋحانا قىزمەتكەرلەرٸ نىساندى قايتا جاڭعىرتۋعا ارنالعان جوبالىق-سمەتالىق قۇجاتتاماعا قول قويىلعانىن, الايدا قۇرىلىس جۇمىستارىنىڭ ناقتى قاشان باستالاتىنى بەلگٸسٸز ەكەنٸن ايتقانى كەلتٸرٸلگەن. سونداي-اق كونتەينەرلٸك عيماراتتار مەملەكەتتٸك قارجىعا ەمەس, مەديتسينالىق مەكەمەنٸڭ ٶز قاراجاتىنا ورناتىلعانى جازىلعان.
وسىعان بايلانىستى ايمان دجارلىقاسىموۆا دەنساۋلىق ساقتاۋ مينيسترلٸگٸنە بٸرقاتار ساۋال قويىپ, ونكولوگييالىق كٶمەك كٶرسەتٸلەتٸن مەكەمەلەردە ناۋقاستارعا لايىقتى جاعداي جاسالۋى تيٸس ەكەنٸن اتاپ ٶتتٸ.
ەزٸرگە دەنساۋلىق ساقتاۋ مينيسترلٸگٸ مەن اتىراۋ وبلىسىنىڭ دەنساۋلىق ساقتاۋ باسقارماسى بۇل مەسەلەگە قاتىستى رەسمي پٸكٸر بٸلدٸرگەن جوق.
فوتو: facebook.com/aiman.jarlykassymova
