قازاقستان كونستيتۋتسيياسىنا ەنگٸزٸلگەن تٷزەتۋلەر كٷشٸنە ەندٸ

داۋىس بەرۋ قۇقىعى بار 11 734 642 ازاماتتىڭ 7 985 769-ى داۋىس بەرگەن. رەفەرەندۋمعا كەلگەندەر 68,05 پايىز بولعان.

ونىڭ ٸشٸندە ازاماتتاردىڭ 77,18 پايىزى (6 163 516 ادام) كونستيتۋتسيياعا ٶزگەرٸس ەنگٸزۋدٸ قولداپ, داۋىس بەرگەن. تٷزەتۋلەرگە ازاماتتاردىڭ 18,66 پايىزى (1 490 470 ادام) قارسى بولعان. بيۋللەتەندەردٸڭ 2,58 پايىزى جارامسىز دەپ تانىلعان. بيۋللەتەندەردٸڭ 1,58 پايىزى داۋىستاردى ساناۋ كەزٸندە ەسكەرٸلمەگەن.

نەگٸزگٸ ٶزگەرٸستەر:

• قازاقستان سۋپەر-پرەزيدەنتتٸك باسقارۋ فورماسىنان كٷشتٸ پارلامەنتٸ بار پرەزيدەنتتٸك فورماعا كٶشەدٸ.
• جەر جەنە ونىڭ قويناۋى, سۋ كٶزدەرٸ, ٶسٸمدٸكتەر مەن جانۋارلار دٷنيەسٸ, باسقا دا تابيعي رەسۋرستار حالىققا تيەسٸلٸ.
• پرەزيدەنتتٸڭ جاقىن تۋىستارىنىڭ ساياسي مەملەكەتتٸك قىزمەتشٸ, كۆازيمەملەكەتتٸك سەكتور سۋبەكتٸسٸ باسشىلارى لاۋازىمدارىن اتقارۋعا قۇقىعى جوق.
• قازاقستاندىقتار ٶز بەتٸنشە كونستيتۋتسييالىق سوتقا جٷگٸنە الادى.
• ٶلٸم جازاسىنا تىيىم سالىنادى. ەشكٸمنٸڭ ادام ٶمٸرٸن قييۋعا قۇقىعى جوق.
• مەجٸلٸستٸڭ دەپۋتاتتىق كورپۋسى ارالاس سايلاۋ جٷيەسٸ بويىنشا قۇرىلادى.
• سەناتتاعى پرەزيدەنتتٸك كۆوتا قىسقارادى, مەجٸلٸستەگٸ قحا كۆوتاسى جويىلادى.
• ماجوريتارلىق جٷيە دەپۋتاتتى سايلاۋشىلاردىڭ قالاۋى بويىنشا شاقىرتىپ الۋعا مٷمكٸندٸك بەرەدٸ.
• تۇڭعىش پرەزيدەنتتٸڭ ەرەكشە رٶلٸ مەن ارتىقشىلىقتارى تۋرالى ەرەجەلەر الىپ تاستالادى.

ەسكە سالايىق, بۇعان دەيٸن قازاقستاننىڭ 12 ايماعىندا كونستيتۋتسيياداعى تٷزەتۋلەرگە داۋىس بەرۋ ٶتكەنٸ حابارلانعان بولاتىن. بۇل تۋرالى ورتالىق سايلاۋ كوميسسيياسى تٶراعاسىنىڭ ورىنباسارى كونستانتين پەتروۆ ايتقان ەدٸ.