فوتو:elements.envato.com
قوناەۆ قالاسىندا ماسانى قىرۋعا 45 ميلليون بٶلٸنگەن, ال جەرگٸلٸكتٸ تۇرعىندار نارازى, - دەپ حابارلايدى كتك تەلەارناسى.
تەلەارنا مەلٸمەتٸنشە, قانسورعىشتار مازاسىن العان قوناەۆ قالاسىنىڭ تۇرعىندارى ەكٸمدٸكتٸڭ ەرەكەتسٸز وتىرعانىنا نارازى. سەبەبٸ شاھاردا جىل سايىن ماسامەن كٷرەسكە قىرۋار قارجى جۇمسالسا دا, نەتيجە جوق.
تٸپتٸ, قالادا ودان بەتەر ماسا قاپتاپ, اۋرۋ-سىرقاۋ كٶبەيگەن. ال شەنەۋنٸكتەر مەسەلەنٸڭ شەشٸمٸ بيىل تابىلاتىنىنا سەنٸمدٸ. سەبەبٸ ماسانى ۋلاۋعا بىلتىرعىدان تٶرت ەسە كٶپ - 45 ميلليون تەڭگە بٶلٸنٸپتٸ.
ٷستٸ-باسىنداعى بٶرتپەلەردٸ كٶرسەتكەن مارجان ەتەەۆانىڭ قاپتاعان ماسادان ەبدەن ىعىرى شىققان. تۇقىمىمەن اللەرگيياسى بولعان سوڭ, قانسورعىش زييانكەستەردٸڭ زاردابىن بٸرنەشە جىل قاتارىنان تٶرت بالاسىمەن بٸرگە تارتىپ جٷر.
"ماسا ٶتە كٶپ. سوڭعى ٷش جىلدا ۇلعايىپ جاتىر. كٸشكەنتاي ەدٸ, قازٸر ٷلكەن دەسەم بولادى. تەرەزەمٸزدٸ اشا المايمىز, اشساڭ, تٷنٸمەن شاعىپ شىعادى. بالانىڭ ۇيقىسى دا, مازاسى دا كەتەدٸ. تٷنٸمەن قىشيدى. سپيرتپەن سٷرتەمٸز. باسقا نە ٸستەيسٸڭ?!" - دەيدٸ قوناەۆ قالاسىنىڭ تۇرعىنى مارجان ەتەەۆا.
تۇرعىنداردىڭ سٶزٸنشە, ەسٸرەسە كٷن باتقاندا قيىن. ىمىرت ۋاقىتتان باستاپ دالادا جٷرۋ مٷمكٸن ەمەس. سول ٷشٸن كٶبٸ بالاسىن كٷندٸز دە, كەشكە دە دالاعا شىعارمايتىن بولعان.
"كٷن جىلىعاننان باستاپ قيىن. ٶيتكەنٸ دالاعا بالالار شىعا المايدى. التى بالام بار. ٷيدە قاماپ وتىرامىن. كٷندٸز جٸبەرەيٸك دەسەك, كٷن ىستىق, تٷندە جٸبەرەيٸك دەسەك, ماسا بار. ەندٸ نە ٸستەيتٸنٸمٸزدٸ بٸلمەيمٸز", - قوناەۆ قالاسىنىڭ تۇرعىنى گٷلناز وسپانوۆا.
تۇرعىندار ەكٸمدٸكتەگٸلەردٸڭ دە نە ٸستەپ جٷرگەنٸن بٸلمەيدٸ. ولاردىڭ ايتۋىنشا, ماسامەن كٷرەسكە جىل سايىن قاراجات بٶلٸنسە دە, ەش نەتيجە جوق. كەرٸسٸنشە, كٶبەيٸپ كەتكەن. مىسالى, بىلتىر ماسامەن كٷرەسكە 10 ميلليون, بيىل 45 ميلليون تەڭگە بٶلٸنٸپتٸ. سٶيتٸپ, شەنەۋنٸكتەر مەسەلە بيىل شەشٸلەتٸنٸنە سەنٸمدٸ.
"مەسەلە شەشٸلەدٸ. بٸزدە قازٸر ٷش مەردٸگەر ۇيىم جۇمىس ٸستەپ جاتىر. جالپى 9 تەحنيكا, ونىڭ ٸشٸندە تراكتورلار, شاشاتىن تەحنيكالار بار. 15-كە جۋىق تٷرلٸ قۇرىلعىلار بار. 30-عا جۋىق ماماندار جۇمىس ٸستەۋدە. كٶپقاباتتى 278 ٷيدٸڭ دە جەرتٶلەسٸندە ۋلاۋ جۇمىسى جٷرگٸزٸلدٸ", - دەيدٸ قوناەۆ قالاسىنىڭ تكش, جولاۋشىلار كٶلٸگٸ, اۆتوموبيل جولدارى جەنە تۇرعىن ٷي ينسپەكتسيياسى بٶلٸمٸ باسشىسىنىڭ ورىنباسارى اسحات جەكسەنبەكوۆ.
ەكٸمدٸكتەگٸلەر بىلتىرعىدان تٶرت ەسە كٶپ قاراجات بٶلٸنۋٸن وسىلاي تٷسٸندٸرٸپ وتىر. ياعني قاراشانىڭ مازاسىن قاشىرعان قانسورعىشتارمەن كٷرەسكە بيىل تىڭعىلىقتى كٸرٸسكەن. نەگٸزٸنەن, ماسانىڭ كٶپ بولۋى قوناەۆ قالاسىنىڭ قاپشاعاي سۋ قويماسىنىڭ جاعالۋىندا ورنالاسۋىمەن تٸكەلەي بايلانىستى. سوندىقتان اتالمىش مەسەلە جىلدا كٷن جىلىسا كٶتەرٸلەدٸ.
