قازاقتىڭ بەلگٸلٸ اقىنى, قوعام قايراتكەرٸ فاريزا وڭعارسىنوۆاعا ارنالعان «تولعام» اتتى كٷي دٷنيەگە كەلدٸ. كٷيدٸڭ اۆتورى - كومپوزيتور, مەدەنيەت قايراتكەرٸ نۇرلان بەكەنوۆ, دەپ حابارلايدى قازاقپارات.
استانا مەملەكەتتٸك اكادەمييالىق فيلارمونيياسى حالىق اسپاپتارى وركەسترٸنٸڭ ديريجەرٸ, كٷيشٸ نۇرلان بەكەنوۆ اتالعان كٷيدٸڭ قالاي تۋعانىن ايتىپ بەردٸ.
«فاريزا وڭعارسىنوۆانىڭ قازاق ەدەبيەتٸندەگٸ الاتىن ورنى ەرەكشە ەكەنٸ بەلگٸلٸ. بٷكٸل تٷركٸ ەلەمٸنٸڭ رۋحاني بايلىعىنا قوسقان ٷلەسٸ دە ٶتە مول. ول تەرەڭ ليريكالىق ٶلەڭدەر جازعان اقىن. سونىمەن قاتار ادامعا قايرات بەرەتٸن داۋىلپاز جىرلاردىڭ دا اۆتورى. ەدەبيەتٸمٸزگە ٷلكەن جاڭالىق الىپ كەلگەن قالامگەر عوي. ٶزٸم بٸراز ۋاقىت بويى فاريزا اقىننىڭ جان-دٷنيەسٸن اشاتىن, حالقىنا ايتا الماي كەتكەن ويلارىن جەتكٸزۋگە تىرىساتىن بٸر كٷي شىعارسام دەگەن تولعانىستا جٷردٸم. ٶنەردەگٸ ۇستازىم, استانا مەملەكەتتٸك اكادەمييالىق فيلارمونيياسى حالىق اسپاپتارى وركەسترٸنٸڭ كٶركەمدٸك جەتەكشٸسٸ ەرٸ باس ديريجەرٸ, قازاقستاننىڭ ەڭبەك سٸڭٸرگەن قايراتكەرٸ, پروفەسسور ايتقالي جايىموۆ اعامىز جەنە باسقا دا ازاماتتار فاريزاعا ارنالعان كٷي شىعاتىن بولسا, ول ۇلتتىق ٶنەرٸمٸزگە قوسقان ناقتى ٷلەسٸمٸز بولاتىنىن ايتتى. ماعان وسى تۇرعىدا ويلانىپ, جاڭا شىعارما جازۋ تۋرالى كەڭەس بەردٸ. مٸنە, جۋىردا عانا جاڭا كٷي دٷنيەگە كەلدٸ», - دەدٸ قازاقپارات تٸلشٸسٸنە بەرگەن سۇحباتىندا كومپوزيتور نۇرلان بەكەنوۆ.
بۇل ف. وڭعارسىنقىزىنا ارنالعان تۇڭعىش كٷي ەكەنٸن ايتا كەتكەن جٶن. 23 قاڭتار كٷنٸ «استانا» كونتسەرت زالىندا ەلوردامىزدىڭ مەملەكەتتٸك اكادەمييالىق فيلارمونيياسى حالىق اسپاپتارى وركەسترٸنٸڭ ۇجىمى فاريزا وڭعارسىنوۆانىڭ 80 جىلدىعىنا ارنالعان ارنايى ەدەبي-مۋزىكالىق كەش ٶتكٸزگەلٸ وتىر. سول كەشتە اقىنعا ارنالعان جاڭا ەندەر جەنە اتالعان كٷي ورىندالادى دەپ كٷتٸلۋدە.
