قازاقستاندىقتاردىڭ كٷنكٶرٸس دەڭگەيٸنٸڭ مٶلشەرٸ تۋرالى مەسەلەنٸ الماتىلىق كوممۋنيستەر كٶتەردٸ, دەپ حابارلايدى قازاقپارات.
قوعامدىق تالقىلاۋ بارىسىندا تەۋەلسٸز ساراپشى, «3ES-ينجينيرينگ» جشس قۇرىلتايشىسى قادىرسەيٸت ايحانوۆ قازاقستانداعى ەڭ تٶمەنگٸ كٷنكٶرٸس دەڭگەيٸن قايتا قاراۋ مەسەلەسٸ بويىنشا ٶز پٸكٸرٸن بٸلدٸردٸ.
ونىڭ ايتۋىنشا, ەڭ تٶمەنگٸ جالاقى كٷنكٶرٸس دەڭگەيٸنٸڭ نەگٸزٸندە قالىپتاسادى جەنە ول ەڭ تٶمەنگٸ كٷنكٶرٸس دەڭگەيٸنەن تٶمەن بولماۋى كەرەك.
«كٷنكٶرٸس دەڭگەيٸ دەگەنٸمٸز - ادامنىڭ قالىپتى جۇمىسىن قامتاماسىز ەتۋ جەنە دەنساۋلىعىن ساقتاۋ ٷشٸن جەتكٸلٸكتٸ شىعىنداردىڭ بولۋى. ول قالاي ەسەپتەلۋٸ كەرەك? مەن مۇنى زەرتتەي باستادىم. ەڭ تٶمەنگٸ كٷنكٶرٸس دەڭگەيٸنٸڭ نەگٸزٸندە ەڭ تٶمەنگٸ جالاقى قالىپتاسادى, ول كٷنكٶرٸس دەڭگەيٸنەن تٶمەن بولا المايدى. بۇل تەك سوعىستا, قۇرعاقشىلىقتا نەمەسە داعدارىستا مينيمالدى بولۋى مٷمكٸن. ەندٸ بٸز مەملەكەتٸمٸز قانداي جاعدايدا ەكەنٸن انىقتاپ الۋىمىز قاجەت. مەسەلەن, بٷگٸندە ەڭ تٶمەنگٸ كٷنكٶرٸس دەڭگەيٸ - 34 مىڭ تەڭگە, ول بەكٸتٸلگەن. ەندٸ وسىنى بٶلەيٸك. ازىق-تٷلٸككە 17 مىڭ تەڭگە جەنە 17 مىڭى باسقا تاۋارلارعا, ونىڭ ٸشٸندە مەدەني جەنە ەلەۋمەتتٸك قاجەتتٸلٸكتەر دە كٸرەدٸ. ياعني, 17 مىڭعا تەاترعا بارىپ, مانيكيۋر جاساتىپ, كوممۋنالدىق تٶلەمدەردٸ تٶلەي الاسىز با? شىندىققا جاناسپايدى. مىسالى, تاڭعى, تٷسكٸ جەنە كەشكٸ استى 300 تەڭگەدەن الىڭىز. بٸر ادامعا, بىلايشا ايتقاندا, كٷنٸنە كەم دەگەندە 1000 تەڭگە قاجەت. ەگەر بۇل سومانى 30 كٷنگە كٶبەيتسەك, 30 مىڭ تەڭگە. ال, بٸزگە بۇل شىعىندارعا 17 مىڭ عانا بٶلٸندٸ», - دەدٸ سپيكەر.
كوممۋنيستەردٸڭ پٸكٸرٸنشە, قازاقستاندىقتاردىڭ كٷنكٶرٸس دەڭگەيٸن دٷكەنگە نەمەسە بازارعا بارمايتىن ادامدار ساناعان. سوندىقتان ەڭ تٶمەنگٸ كٷنكٶرٸس دەڭگەيٸنٸڭ مٶلشەرٸن قازٸرگٸ زامانعى قاجەتتٸلٸكتەردٸ ەسكەرە وتىرىپ قايتا قاراۋ كەرەك.
«2020 جىلدىڭ ماۋسىم ايىندا جان باسىنا شاققانداعى ەڭ تٶمەنگٸ كٷنكٶرٸس دەڭگەيٸ 34 مىڭ تەڭگەگە جەتتٸ, بۇل ٶتكەن جىلدىڭ ماۋسىمىمەن سالىستىرعاندا 13,7% ارتىق. الايدا, بەرٸمٸز كٶرٸپ وتىرعانداي, بۇل سوما حالىقتىڭ قاجەتتٸلٸكتەرٸن ٶتەۋگە جەتكٸلٸكسٸز. سوندىقتان ەڭ تٶمەنگٸ كٷنكٶرٸس دەڭگەيٸنٸڭ مٶلشەرٸ كەم دەگەندە ەكٸ ەسە ٶسۋٸ كەرەك. قىس كەلە جاتىر. سونىمەن قاتار, ادامدار كوروناۆيرۋستىڭ ەكٸنشٸ تولقىنىنا دايىندالىپ جاتىر. ال بٸزدٸڭ ارامىزدا جۇمىسسىز, باسپاناسىز جٷرگەندەر كٶپ. ولاردىڭ جاعدايىنا بەيجاي قاراۋعا بولمايدى. بٸزدە پارتييادا قوعامدىق قابىلداۋ بار. كٷن سايىن ونداعان ادام كەلەدٸ. ولاردىڭ باسىم بٶلٸگٸ - كٶپبالالى انالار مەن ەكەلەر», – دەيدٸ پارتييا مٷشەسٸ گٷلدانا نۇرپەيٸسوۆا.
