"ٶتٸرٸك عۇمىر كەشۋدٸ ٶمٸر سٷرۋدٸڭ نەگٸزگٸ تٸرەگٸنە اينالدىرىپ العان بٷگٸنگٸ قيتۇرقى ادامداردىڭ اينىماس قۇبىلىسىن كٶرٸپ جٷرەگٸڭ اينيدى. ەل ٸشٸندەگٸ شەكتەن شىققان پاراقورلىق پەن ەدٸلەتسٸزدٸك, مانساپتىڭ تاعى ٷشٸن ماقتانعا سالىنىپ, باسىنىڭ باعى ٷشٸن ار-ۇياتىن ساۋداعا سالىپ جاعىمپازدىقتىڭ جاراپازانىن ايتىپ جٷرگەن "جاسامپازداردى" كٶرگەندە "اپىر-اي, جۇمىر جەر نەگە جىرتىلىپ كەتپەي شىداپ تۇر" دەگەن ويعا قالاسىڭ. قۇلاعىن ساتقانداردان قۇداي اتقانداردىڭ سٷلدەسٸن كٶرٸپ ساسقانىمنان كٷڭٸرەنەم دە كٷرسٸنەم", - دەپ ەدٸ سوفى اعا بٸر سٶزٸندە.
كەرەككە جارامايتىنداردى كەرەمەت تۇتقان بٷگٸنگٸ قوماعاي-قوعام كٶمەيٸ بٷلكٸلدەگەننٸڭ بەرٸن -شەشەن, كٶپتٸڭ ٷستٸنەن زٸركٸلدەگەننٸڭ بەرٸن كٶسەم ەتٸپ قويدى. كٶلگٸرسٸپ سٶيلەپ كٶپتٸڭ كٶڭٸلٸن اۋلايتىن جىلتىرلار كٶبەيدٸ. ازاماتتىق پوزيتسييانىڭ جوقتىعى مەن تاپشىلىعى مۇڭايتادى. ۇلتىنىڭ جانىن ۇقپاي ۇلى بولعىسى كەلەتٸندەرٸن قايتەسٸز! ۇلت بار جەردە ۇلتتىق پروبلەمانىڭ بولماي قالۋى مٷمكٸن ەمەس. ەلٸمٸزدٸڭ جاقسىلىعىنا قۋانامىز, جامانىنا نەگە كٶز سالمايمىز, نەگە جانىمىز اشىمايدى?!
كٶپ نەرسەنٸ ساياساتپەن بايلانىستىرا سالعىمىز كەلەدٸ, ول ساياسات ەمەس, ازاماتتىق بورىشىمىز ەمەس پە? بٸر ويشىلدىڭ: "ادامزات بالاسى زاڭنىڭ ەمەس, سالت-دەستٷردٸڭ "قۇلى" بولعان كەزدە باقىتتى ٶمٸر باستالادى" دەگەنٸن وقىپ ەدٸم. راسىندا دا سولاي! بٸز ٷلكەنٸن ارداقتاعان, سالت-جوراسىن سالماقتاعان, دەستٷرٸم - دەۋلەتٸم, عۇرپىم - عۇمىرىم, سالتىم سانام دەپ ٶسكەن تەكتٸ ۇلتتىڭ ۇرپاعى ەدٸك قوي. بٷگٸندە سالت-دەستٷرمەن ساناسۋدان گٶرٸ زاڭنان عانا قورقۋ, سىرت كٶزدەن عانا قايمىعۋ باسىم. دەستٷرلٸ ٶمٸر سالتىمىزدان جاڭىلىپ, اتا-بابامىز قالىپتاستىرعان ۇلتىمىزدىڭ ەڭ تاماشا قاسيەتتەرٸنٸڭ بٸرٸ بولىپ تابىلاتىن ادامدار اراسىنداعى ٶزارا كٸسٸلٸك, ٷلكەن مەن كٸشٸنٸڭ, تۋىس پەن تۋعاننىڭ, جات پەن جاقىننىڭ, ەركەك پەن ەيەلدٸڭ قاتىناس قالىپتارىنىڭ شىرقىن بۇزىپ الدىق.
قازاقتىڭ كەز كەلگەن ۇلتتىق ەدەت-عۇرپىندا كٸسٸلٸك, ادامگەرشٸلٸك, مەيٸرٸم بار ەدٸ. "تىيىم كٶرمەگەن بالادان تەكسٸز شىعادى. تەكتەۋ ادامدى ەدەپتٸلٸككە ٷيرەتەدٸ". مٸنە, قازاقتىڭ تٶل تەربيەسٸنٸڭ وزىق ٷلگٸسٸ. "ۇيات بولادى" مەن "وبال بولادىنى" بالاسىنىڭ ساناسىنا تەي-تەي باسقاننان, العاش بىلدىرلاي باستاعاننان سٸڭٸرٸپ كەلگەن قازاق بٷگٸندە تىيىم مەن تەكتەۋدٸ ۇمىتتى.
قازٸرگٸ بالا جالتاق قوعامنىڭ جاعىمپاز ادامدارىنان قانداي تەربيە كٶرٸپ وتىر? كٶرسەتەر ٶنەگەمٸز قايسى? وسىنىڭ بەرٸ, اينالىپ كەلگەندە, ۇلتتىق مٸنەز-بولمىسىمىزدى جوعالتىپ العانىمىزدىڭ كەسٸرٸ. دەستٷرلٸ نانىم مەن سەنٸمگە مويىنسىنباعان سوڭ, سالت-دەستٷردٸ ساقتاماعان سوڭ كٶرگەنسٸزدٸككە بوي الدىرىپ, تاتۋلىقتى قاتۋلىقپەن ٸرٸتٸپ جٷرمٸز. باياعى باۋىرمال كٶڭٸل, قازاقى قايىرىمدىلىق جوق. قۋلىق پەن سۇمدىقتىڭ قۇدىعىنا سٷيرەگەن قۋاياق, سۇماۋىز بولىپ بارامىز. ٶزەكتٸ ٶرتەگەن وسى ويلار كٶڭٸلگە تىنىم, جٷرەككە مازا بەرمەيد|.
بەكجان تۇرىستىڭ فەيسبۋكتاعى جازباسىنان
