«قازسۋشار» رمك 2021 جىلعى سۋ تاسقىنى كەزەڭٸنە دايىندىق بويىنشا جوسپارلى جۇمىس جٷرگٸزۋدە.
وسى باعىتتا ناقتى قانداي شارالار قابىلدانىپ جاتقانى تۋرالى قر ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ Facebook-تەگٸ پاراقشاسىنداعى تٸكەلەي ەفيردە «قازسۋشار» رمك باس ديرەكتورىنىڭ ورىنباسارى ەرلان سەدۋاقاسوۆ مەلٸمدەدٸ.
ونىڭ ايتۋىنشا, سۋ تاسقىنى قاۋپٸنٸڭ الدىن الۋ ٷشٸن كەسٸپورىن ٶتكەن جىلدىڭ كٷزٸنەن باستاپ سۋ قويمالارىندا بوس سىيىمدىلىقتار قۇرۋ بويىنشا جۇمىس جٷرگٸزۋدە.
«بٸز بۇل باعىتتا 2020 جىلدىڭ كٷزٸنەن باستاپ جۇمىس ٸستەپ كەلەمٸز. سونداي-اق, باسسەيندٸك ينسپەكتسييالارمەن, تٶتەنشە جاعدايلار سالاسى ٶكٸلدەرٸمەن جەنە ەكٸمدٸكتەرمەن بٸرلەسٸپ, گيدروتەحنيكالىق قۇرلىستاردى كٶزبەن شولىپ, تەكسەرۋ جٷرگٸزدٸك. تٶتەنشە جاعداي تۋىنداي قالسا, قۇرىلىس جەنە باسقا دا ينەرتتٸ ماتەريالداردىڭ, قاپتاردىڭ قاجەتتٸ قورلارى دايىندالدى, تيٸستٸ ارنايى تەحنيكا بار, جانار-جاعارماي دايىن», - دەپ اتاپ ٶتتٸ سپيكەر.
ەرلان سەدۋاقاسوۆ حابارلاعانداي, «قازسۋشار» رمك بالانسىندا رەسپۋبليكالىق مەنشٸكتەگٸ 4953 سۋ شاراۋاشىلىعى جەنە گيدرومەليوراتيۆتٸك وبەكتٸلەر بار, ونىڭ ٸشٸندە: 86 سۋ قويماسى, 84 سۋ تورابى, 36 بٶگەت, 103 سورعى ستانتسيياسى, 46 باس قۇرىلىس, 3298 كانال جەنە باسقا دا سۋ شارۋاشىلىعى وبەكتٸلەرٸ بار.
«بارلىق سۋ قويمالارى بەكٸتٸلگەن كەستەگە سەيكەس جۇمىس ٸستەيدٸ جەنە كٶكتەمگٸ تاسقىن سۋدى جٸبەرەتٸن سىيىمدىلىق قورى بار. ولاردى جوبالىق كٶلەمگە دەيٸن تولتىرعان جەنە سۋ مول كٶلەمدە كەلەتٸن بولسا, ولار ترانزيتتٸك رەجيمدە جۇمىس ٸستەيدٸ», - دەپ حابارلادى قازسۋشار باسشىسىنىڭ ورىنباسارى.
ەرلان سەدۋاقاسوۆ قازاقستاندا سۋ تاسقىنى كەزەڭٸ وڭتٷستٸك ٶڭٸرلەردٸ قوسپاعاندا, ناۋرىز ايىنىڭ باسىندا باستالاتىنىن, ال ەرٸگەن سۋ اقپاننىڭ باسىندا كەلەتٸنٸن اتاپ ٶتتٸ. سۋ تاسقىنى ماۋسىمىنىڭ سەتتٸ ٶتۋٸ اۋا-رايى جاعدايلارىنا جەنە سۋ تاسقىنىنا قارسى ۋاقىتىلى قابىلدانعان شارالارعا تٸكەلەي بايلانىستى.
«اقپان ايىندا «قازگيدرومەت» ىلعال قورىنىڭ كٶلەمٸ مەن توپىراقتىڭ قاتۋ تەرەڭدٸگٸ تۋرالى اقپاراتتى ۇسىنادى. بۇل كٶكتەمگٸ سۋ تاسقىنى قاۋپٸ بار ايماقتاردى انىقتايدى. سونداي-اق, ولاردىڭ مەلٸمەتتەرٸ نەگٸزٸندە بٸز سۋ قويمالارىنىڭ جۇمىس رەجيمٸن تٷزەتەمٸز. بۇل قاۋٸپتٸ گيدرولوگييالىق قۇبىلىستاردى دەر كەزٸندە انىقتاۋ, گيدروتەحنيكالىق قۇرىلىستاردىڭ جاعدايىن باقىلاۋ ٷشٸن جاسالادى», - دەپ تٷيٸندەدٸ ول.
