كٶكشەتاۋ قالاسىندا دەنەركەلەۋشٸ بولىپ جۇمىس ٸستەيتٸن 24 جاستاعى تۇرعىن قولدان قاراسورا ٶسٸرۋگە ارنالعان بوكس قوراپ جاساعان. وسى ٷشٸن ول قىلمىستىق جاۋاپقا تارتىلۋدا, دەپ حابارلايدى "ۇلت اقپارات" اقمولا وبلىستىق پد باسپاسٶز قىزمەتٸنە سٸلتەمە جاساپ.
«كٶكشەتاۋ قالاسىنىڭ تەحنيكالىق جٶندەۋ ورتالىعىندا دەنەكەرلەۋشٸ بولىپ جۇمىس ٸستەيتٸن جەرگٸلٸكتٸ تۇرعىن اتا-اناسىنىڭ جەكە ٷيٸندە ەسٸرتكٸ تۇقىمداس قاراسورا ٶسٸرۋمەن اينالىسقان. ٷيدٸ تەكسەرۋ كەزٸندە بٶلمەلەردٸڭ بٸرٸندە تابىلعان قولدان جاسالعان قوراپتىڭ ٸشٸنەن قاراسوراعا ۇقساس ٶسٸمدٸك شىقتى. سونىمەن بٸرگە, قارا توپىراق پاكەتتەلگەن تىڭايتقىش قاپتامالارى, كليمات-باقىلاۋ قوندىرعىسى, ٶسٸمدٸكتەردٸ كٷتۋ كەستەسٸ جەنە فيتولابوراتورييانىڭ باسقا دا جابدىقتارى تەركٸلەندٸ», - دەپ تٷسٸندٸردٸ اقمولا وبلىسى پوليتسييا دەپارتامەنتٸنٸڭ ەسٸرتكٸ بيزنەسٸنە قارسى كٷرەس باسقارماسىنداعىلار.
ەر ادام ۇستالعان كەزدە ەسٸرتكٸگە ماس كٷيدە بولدى. ونىڭ سٶزٸنشە, تەركٸلەنگەن ٶسٸمدٸكتەر ٷش تٷرلٸ سورتقا جاتادى جەنە ونى بٸرنەشە اي بۇرىن ينتەرنەت ارقىلى تاپسىرىسپەن العان.
«وسىعان بايلانىستى قىلمىستىق كودەكستٸڭ 300 بابى «قۇرامىندا ەسٸرتكٸ بار, ٶسٸرۋگە تىيىم سالىنعان ٶسٸمدٸكتەردٸ زاڭسىز ٶسٸرۋ» بويىنشا قىلمىستىق ٸس قوزعالدى. ساراپتاما تاعايىندالدى», - دەپ تولىقتىردى ۆەدومستۆودان.
