Kókshetaý qalasynda dánerkeleýshi bolyp jumys isteitin 24 jastaǵy turǵyn qoldan qarasora ósirýge arnalǵan boks qorap jasaǵan. Osy úshin ol qylmystyq jaýapqa tartylýda, dep habarlaidy "Ult aqparat" Aqmola oblystyq PD baspasóz qyzmetine silteme jasap.
«Kókshetaý qalasynyń tehnikalyq jóndeý ortalyǵynda dánekerleýshi bolyp jumys isteitin jergilikti turǵyn ata-anasynyń jeke úiinde esirtki tuqymdas qarasora ósirýmen ainalysqan. Úidi tekserý kezinde bólmelerdiń birinde tabylǵan qoldan jasalǵan qoraptyń ishinen qarasoraǵa uqsas ósimdik shyqty. Sonymen birge, qara topyraq pakettelgen tyńaitqysh qaptamalary, klimat-baqylaý qondyrǵysy, ósimdikterdi kútý kestesi jáne fitolaboratoriianyń basqa da jabdyqtary tárkilendi», - dep túsindirdi Aqmola oblysy politsiia departamentiniń Esirtki biznesine qarsy kúres basqarmasyndaǵylar.
Er adam ustalǵan kezde esirtkige mas kúide boldy. Onyń sózinshe, tárkilengen ósimdikter úsh túrli sortqa jatady jáne ony birneshe ai buryn Internet arqyly tapsyryspen alǵan.
«Osyǵan bailanysty Qylmystyq kodekstiń 300 baby «Quramynda esirtki bar, ósirýge tyiym salynǵan ósimdikterdi zańsyz ósirý» boiynsha qylmystyq is qozǵaldy. Saraptama taǵaiyndaldy», - dep tolyqtyrdy vedomstvodan.
