كٶكشەتاۋ تۇرعىنى بالىق اۋلاۋ كەزٸندە قولا دەۋٸرٸندەگٸ اندرونوۆ مەدەنيەتٸنە جاتاتىن كەراميكالىق ىدىستاردىڭ سىنىقتارى مەن سٷيەكتەردٸ تاۋىپ الدى.
بۇل تۋرالى وبلىستىق تاريحي-ٶلكەتانۋ مۇرجايىنىڭ ديرەكتورى قۋانىش شاقشاقوۆ ايتتى, دەپ حابارلايدى "ۇلت اقپارات".
كٶكشەتاۋ قالاسىنىڭ 35 جاستاعى تۇرعىنى كاميل ۋسمانوۆ بالىق اۋلاپ جٷرٸپ مۇنداي ولجاعا كەنەلەمٸن دەپ ويلاعان جوق.
«جەكسەنبٸ كٷنٸ دوستارىمەن بٸرگە شاعالالى سۋ قويماسىنا بالىق اۋلاۋعا باردىق. جاعاداعى توپىراقتى سۋ شايىپ, وپىرىلىپ تٷستٸ. سول جەردەن بٸز كٶپ سٷيەكتٸ تاپتىق. بۇل مەنٸ قىزىقتىردى, وسىنداي جەرلەردەن تاريحي ەسكەرتكٸشتەر تابىلاتىنىن وقىعان ەدٸم. تٶرت تٸس تاپتىم. ماعان ول ٶتە ٷلكەن كٶرٸندٸ. كەيٸن بٸز بەرەزوۆكا جاعىنا باردىق. ول جەردە سۋ قويماسىنىڭ ٶزەنگە قۇياتىن تۇسىندا بيٸك جار بار. سول جەردە بٸز كەراميكالىق ىدىستاردىڭ سىنىقتارى مەن ۇساق مونشاق تاپتىق», - دەيدٸ كاميل ۋسمانوۆ.
ەر ادام تاپقان تاريحي قۇندى ولجالارىن اقمولا وبلىستىق تاريحي-ٶلكەتانۋ مۇرجايىنا تاپسىرعان. بەلگٸلٸ بولعانداي, كٶنە جەدٸگەرلەر قولا دەۋٸرٸنە تيەسٸلٸ.
«تابىلعان كەراميكالىق ىدىستاردىڭ سىنىقتارىندا گەومەترييالىق ويۋلار بار. سول سەبەپتٸ, بٸز ونى شامامەن الاكٶل مەدەنيەتٸنە تەن دەپ وتىرمىز. بٸز بارلىق ارحەولوگييالىق ەسكەرتكٸشتەردٸڭ مەلٸمەتتەرٸن قاراپ شىقتىق. ولاردىڭ اراسىندا وسى جەرلەۋ رەسٸمٸ تٸركەلگەن جوق. ونىڭ ەرەكشٸلٸگٸ ول توپىراقپەن جەرلەۋ قاتارىنا جاتادى, ٷستٸنەن كٶمٸلمەگەن. قاسىندا قولا دەرٸندەگٸ تۇراق بولعان. مەن ٶزٸم ونى وسىندا جەرلەنگەن دەپ ەسەپتەيمٸن. ٶيتكەنٸ, ول جاي ادام ەمەس, شامان نەمەسە كٶسەم بولۋى مٷمكٸن. سول سەبەپتٸ, تۇراقتا, رۋحى قورعاشتاپ جٷرسٸن دەپ جەرلەنگەن», - دەيدٸ قۋانىش شاقشاقوۆ.
مۇراجاي ديرەكتورى اتاپ ٶتكەندەي, كٶنە جەدٸگەرلەر تابىلعان اۋماقتا الداعى ۋاقىتتا زەرتتەۋ جۇمىستارى جٷرگٸزٸلەتٸن بولادى.
