«قۇقىقتىق مەديا ورتالىق» قوعامدىق قورىنىڭ ديرەكتورى ديانا وكرەموۆا باق سالاسىنىڭ زاڭنامالىق دامۋىن جەتٸلدٸرۋگە قاتىستى بٸرقاتار ۇسىنىس جاسادى, دەپ حابارلايدى قازاقپارات تٸلشٸسٸ.
«پاندەمييا كەزٸندە جۋرناليستەر اقپاراتقا قول جەتكٸزۋ پروبلەماسىنا تاپ بولدى. ناقتى ايتساق, سۇراققا جاۋاپ الۋ قيىنداپ, جۋرناليست سۇراعان اقپاراتتى قىزمەت بابىمەن عانا پايدالانۋعا بولاتىن مەلٸمەتتەر ساناتىنا نەگٸزسٸز جاتقىزۋ, ساۋالدىڭ جاۋابىن سوزىپ جٷرٸپ الۋ سيياقتى كەلەڭسٸزدٸكتەر جيٸلەدٸ. شەنەۋنٸكتەر اقپاراتتى, ەسٸرەسە بيۋدجەتكە بايلانىستى مەلٸمەتتەردٸ جاسىرۋعا تىرىسادى. سوندىقتان, بٸزدٸڭ مينيسترلٸككە باعىتتايتىن ۇسىنىمدارىمىزدىڭ ٸشٸندە اقپاراتتى تٷرلٸ ساناتقا بٶلۋدٸ جويۋ مەسەلەسٸن قويىپ وتىرمىز. كەي سۇراققا 2 كٷننٸڭ ٸشٸندە, باسقا سۇراقتارعا 7 كٷننٸڭ ٸشٸندە جاۋاپ بەرۋگە بولادى دەيتٸن نورما بار», - دەدٸ ديانا وكرەموۆا باق بۇقارالىق مەديانى زاڭنامالىق رەتتەۋ تۋرالى كونفەرەنتسييا بارىسىندا قازاقپارات تٸلشٸسٸنە بەرگەن سۇحباتىندا.
ونىڭ ايتۋىنشا, بۇل جۋرناليستەردٸ عانا ەمەس شەنەۋنٸكتەردٸڭ ٶزٸن دە شاتاستىرادى.
«مىسالى, ايماقتاردا كٶپتەگەن ادامدار جاۋابى 2 جەنە 7 كٷننٸڭ ٸشٸندە بەرٸلەتٸن سۇراقتاردىڭ ايىرماشىلىعىن تٷسٸنبەيدٸ. حالىقارالىق ستاندارتتار بويىنشا ەرەكشە قىزمەتپەن بايلانىستى مەلٸمەتتەردەن باسقا مەملەكەتتٸك ورگاندارعا تيەسٸلٸ اقپاراتتىڭ بەرٸ اشىق بولۋى كەرەك. قازٸر بٸزدەگٸ زاڭناما تالاپتارىن ەركٸم قالاۋىنشا تٷسٸندٸرٸپ جٷر. ولاي بولماۋى ٷشٸن باق ساۋالىنا جاۋاپ بەرۋ مەرزٸمٸ ناقتى جازىلۋى كەرەك», - دەدٸ ساراپشى
قوعامدىق قور ديرەكتورى «قىزمەتتٸك قولدانىسقا ارنالعان اقپارات» ساناتى دەگەن ۇعىمنىڭ اۋقىمىن شەكتەۋدٸ ۇسىنىپ وتىر.
«قىزمەتتٸك قولدانىسقا ارنالعان اقپارات مەسەلەسٸن دە تٷبەگەيلٸ شەشۋ قاجەت. كەز كەلگەن مەلٸمەتتٸ وسى ساناتقا نەگٸزسٸز جاتقىزا بەرۋگە بولمايدى. قازٸر بۇل ٶتە وڭاي بولىپ كەتتٸ. كەز كەلگەن مينيستردٸڭ نەمەسە باسقا لاۋازىمدى تۇلعانىڭ بۇيرىعى باق سۇراعان مەلٸمەتتٸ «قىزمەتتٸك قودانىسقا اقپاراتقا ارنالعان» ساناتىنا جاتقىزا الادى. زاڭنامادا مۇنداي ساناتقا قاي اقپارات قانداي جاعدايدا جەنە قانشا مەرزٸمگە جاتقىزىلاتىنىن ناقتى اتاپ كٶرسەتۋ كەرەك.
سونىمەن قاتار, زاڭناماعا «قوعامدىق مٷددە» ۇعىمىن ەنگٸزۋ قاجەت. ەگەر قوعامنىڭ قانداي دا بٸر مەسەلەگە قىزىعۋشىلىعى بولسا, وندا جۋرناليستەردٸڭ قوعامدىق ٶمٸرگە ارالاسۋعا, سىنعا جەنە سٶزدەرگە ەركٸن قاتىسۋعا قۇقىعى بولۋى تيٸس», - دەدٸ قوعام بەلسەندٸسٸ.
