بٷگٸن مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قوعامدىق كەڭەستەردٸڭ قىزمەتٸ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭىنىڭ جوباسى بٸرٸنشٸ وقىلىمدا ماقۇلداندى, دەپ حابارلايدى قازاقپارات.
اتالعان زاڭ جوباسى بويىنشا نەگٸزگٸ بايانداما جاساعان قر اقپارات جəنە قوعامدىق دامۋ مينيسترٸ ايدا بالاەۆانىڭ ايتۋىنشا, جالپى قوعامدىق كەڭەستەر تۋرالى زاڭنىڭ ٶزٸ ەلباسىنىڭ تاپسىرماسىمەن 2015 جىلى قابىلدانىپ, قولدانىسقا ەنگٸزٸلگەن.
«ۋاقىت كٶرسەتكەندەي, قۇجات تا, قوعامدىق كەڭەستەر ينستيتۋتى دا ٶزٸن ٶزٸ اقتادى. بٷگٸنگٸ ۇسىنىلىپ وتىرعان تٷزەتۋلەر تەك ولاردىڭ قىزمەتٸن ودان ارى جەتٸلدٸرۋدٸ كٶزدەيدٸ. قولدانىستاعى زاڭعا 40 جاڭا نورما جەنە 28 ٶزگەرٸس ەنگٸزۋ ۇسىنىلادى. بٸرٸنشٸ - قوعامدىق كەڭەستەردٸڭ قۇرامىن جاساقتاۋ. بۇل جەردەگٸ باستى تالاپ - دەربەس جەنە تەۋەلسٸز قىزمەت ەتۋ. سوندىقتان جۇمىس توبىنىڭ باسشىسىن ازاماتتىق قوعام ٶكٸلدەرٸ قاتارىنان تاعايىنداۋ ۇسىنالادى. زاڭ جوباسى كانديداتتار ەسەبٸنەن رەزەرۆتٸك تٸزٸم جاساۋ, كەڭەس قۇرامىنان شىققانداردىڭ ورنىنا رەزەرۆتٸك تٸزٸمنەن جاڭا مٷشەلەر سايلاۋ ٷشٸن قوسىمشا كونكۋرس جارييالاۋعا مٷمكٸندٸك بەرەدٸ. كەڭەستەر قۇرامىن ۋاقىتىلى تولىقتىرىپ وتىرۋ مەسەلەسٸ بۇعان دەيٸن كٶپ ايتىلاتىن. بٸزدٸڭ ويىمىزشا, جاڭا نورما بۇل مەسەلەنٸ تيٸمدٸ جولمەن رەتتەيتٸن بولادى», - دەدٸ مينيستر.
ونىڭ ايتۋىنشا, ەكٸنشٸدەن قوعامدىق كەڭەستەردٸڭ ٶكٸلەتتٸگٸن كٶتەرۋ كٶزدەلەدٸ. زاڭ جوباسى قوعامدىق كەڭەستەرگە ٶتٸنٸشتەر مەن نورماتيۆتٸك-قۇقىقتىق اكتٸلەر جوباسىن ولاردىڭ قوعامدىق ماڭىزدىلىعىنا قاراي ٶزدەرٸ ٸرٸكتەپ قاراۋعا قۇقىق بەرەدٸ. سونداي-اق قوعامدىق كەڭەستەرگە جەرگٸلٸكتٸ دەڭگەيدەگٸ قۇقىق قورعاۋ ورگاندارى باسشىلارىنىڭ ەسەبٸن تىڭداۋعا ٶكٸلەتتٸك بەرەتٸن نورما ەنگٸزٸلەدٸ.
«تاعى بٸر توقتالا كەتەتٸن ماڭىزدى ٶزگەرٸس - مەملەكەت باسشىسىنىڭ تاپسىرماسى بويىنشا مەملەكەتتٸك جەنە كۆازيمەملەكەتتٸك سەكتوردىڭ ساتىپ الۋ كونكۋرستىق كوميسسييالارىنا قوعامدىق كەڭەس مٷشەلەرٸن قاتىستىرۋعا ٶكٸلەتتٸك بەرەتٸن تولىقتىرۋ بار. ٷشٸنشٸ - قوعامدىق باقىلاۋدى جٷرگٸزۋ پروتسەدۋراسىن رەتتەۋ. بۇل بۇرىن زاڭمەن ايقىندالعان قوعامدىق باقىلاۋدىڭ بارلىق 4 فورماسىن قامتيدى. اتاپ ايتقاندا, قوعامدىق تالقىلاۋلار, قوعامدىق ساراپتاما, قوعامدىق مونيتورينگ جەنە مەملەكەتتٸك ورگان جەتەكشٸلەرٸنٸڭ ەسەبٸ. ول ٷشٸن ٶكٸلەتتٸ ورگان وسى رەسٸمدٸ ۇيىمداستىرۋ جەنە ٶتكٸزۋ ەرەجەلەرٸن ەزٸرلەيدٸ», - دەدٸ ول.
مينيستر تٶرتٸنشٸدەن قوعامدىق كەڭەستەردىڭ قىزمەتٸن ۇيىمداستىرۋ قامتاماسىز ەتٸلەتٸندٸگٸن ايتادى. ياعني, بۇدان بىلاي جەرگٸلٸكتٸ دەڭگەيلەردە ۇيىمداستىرۋ جۇمىستارى مەسليحاتتارعا جٷكتەلەدٸ.
«ٶزدەرٸڭٸزگە مەلٸم, بۇل مٸندەت بۇعان دەيٸن جەرگٸلٸكتٸ ەكٸمدٸكتەردە بولاتىن. الايدا قوعامدىق كەڭەستەردٸڭ باستاماسى بويىنشا جەنە دەپۋتاتتاردىڭ قولداۋىنان كەيٸن زاڭ جوباسىنا تيٸستٸ ٶزگەرتۋلەر ەنگٸزٸلدٸ. بەسٸنشٸ - قوعامدىق كەڭەستەر سالاسىندا ٶكٸلەتتٸ ورگاندى انىقتاۋ. بۇل ورايدا ٶكٸلەتتٸ ورگان رەتٸندە اقپارات جەنە قوعامدىق دامۋ مينيسترلٸگٸ ۇسىنىلادى. ونىڭ باستى مٸندەتٸ - كەڭەستەر قىزمەتٸن ٷيلەستٸرۋ جەنە ەدٸستەمەلٸك كٶمەك بەرۋ. سونداي-اق مەملەكەت باسشىسىنا قوعامدىق كەڭەستەر قىزمەتٸ تۋرالى جىل سايىن ۇلتتىق بايانداما جاسالادى. التىنشى - كۆازيمەملەكەتتٸك سەكتوردا قوعامدىق كەڭەستەر قۇرۋ. مەملەكەت باسشىسىنىڭ جولداۋىندا بەرٸلگەن تاپسىرمالار نەگٸزٸندە كۆازيمەملەكەتتٸك سەكتوردا, اتاپ ايتقاندا ۇلتتىق كومپانييالاردا, ٷلتتىق حولدينگتەردە, ۇلتتىق باسقارۋ حولدينگتەرٸندە قوعامدىق كەڭەستەر قۇرۋ جٶنٸندەگٸ تولىقتىرۋلار ەنگٸزٸلدٸ», - دەدٸ ايدا بالاەۆا.
