بٷگٸن اقپارات جەنە قوعامدىق دامۋ مينيسترٸ ايدا بالاەۆا الماتى قالالىق قوعامدىق كەڭەسٸنٸڭ مٷشەلەرٸمەن كەزدەستٸ, دەپ حابارلايدى "ۇلت اقپارات".
كەزدەسۋ بارىسىندا مينيستر قوعامدىق كەڭەستەردٸڭ جۇمىسى مينيسترلٸكپەن ٷنەمٸ تالدانىپ جەنە قوعام بەلسەندٸلەرٸمەن تالقىلاناتىندىعىن, ال نەتيجەلەرٸ مەملەكەتتٸك ورگاندار مەن ازاماتتىق قوعام ينستيتۋتتارىنىڭ الاڭدارىندا جارييالاناتىندىعىن اتاپ ٶتتٸ.
«قوعامدىق كەڭەستەر جۇمىسىنىڭ نەتيجەسٸ رەتٸندە ازاماتتىق قوعامنىڭ پٸكٸرٸن بٸلدٸرۋ ماقساتىندا ناقتى ينستيتۋت قۇرىلدى.
قوعامدىق كەڭەستەر «حالىق ٷنٸنە قۇلاق اساتىن مەملەكەتتٸ» قالىپتاستىرۋدىڭ ماڭىزدى بۋىنىنا اينالدى», - دەدٸ بالاەۆا.
قازٸر قازاقستاندا 249 قوعامدىق كەڭەس جۇمىس ٸستەيدٸ, ونىڭ ٸشٸندە 33-ٸ رەسپۋبليكالىق, 216-سى جەرگٸلٸكتٸ دەڭگەيدە.
مينيستر جىل باسىندا ەنگٸزٸلگەن قوعامدىق كەڭەستەر قىزمەتٸ بويىنشا زاڭنامالىق ٶزگەرٸستەردٸڭ ارقاسىندا قوعامدىق كەڭەس جۇمىسىنىڭ تيٸمدٸلٸگٸن ارتتىرۋ ٸسٸندە ايتارلىقتاي جەتٸستٸكتەرگە قول جەتكٸزٸلگەندٸگٸن اتاپ ٶتتٸ. بالاەۆا قوعامدىق كەڭەستەردٸڭ قىزمەتٸن جەتٸلدٸرۋ جەنە ٷيلەستٸرۋ بويىنشا مينيسترلٸك تاراپىنان جٷرگٸزٸلٸپ جاتقان جۇمىسقا, ونىڭ ٸشٸندە زاڭعا تەۋەلدٸ اكتٸلەرگە, زاڭنامانىڭ نەگٸزگٸ ەرەجەلەرٸن تٷسٸندٸرۋگە باعىتتالعان ەدٸستەمەلٸك سەمينار-ترەنينگتەر تۋرالى ەگجەي-تەگجەيلٸ بايانداپ بەردٸ.
سونداي-اق, مينيستر ساراپشىلار قاۋىمداستىعىمەن بٸرلەسٸپ, قوعامدىق كەڭەستەر تۋرالى ۇلتتىق بايانداما ەزٸرلەنٸپ جاتقانىن جەتكٸزدٸ.
«قوعامدىق كەڭەستەردٸڭ حالىقپەن بايلانىس مەحانيزمدەرٸن كٷشەيتۋ ٷشٸن «KAZKENES» اقپاراتتىق پورتالىن تانىمال ەتۋ بويىنشا جۇمىس جٷرگٸزٸلۋدە», — دەدٸ ا.بالاەۆا.
سونىمەن قاتار, مينيستر كەزدەسۋ بارىسىندا قوعامدىق كەڭەستەر ٶز ٶكٸلەتتٸكتەرٸن تولىق كٶلەمدە ورىندامايتىنىنا نازار اۋداردى.
ٶز كەزەگٸندە الماتى قالالىق قوعامدىق كەڭەسٸنٸڭ مٷشەلەرٸ قوعامدىق كەڭەستەردٸڭ ٶكٸلەتتٸكتەرٸن كەڭەيتۋ بويىنشا زاڭنامالىق تٷزەتۋلەردٸڭ ٸس جٷزٸندە قالاي جٷزەگە اسىرىلىپ جاتقانىن, كەيبٸر جەرگٸلٸكتٸ اتقارۋشى ورگاندارمەن ٶزارا ٸس-قيمىل بويىنشا جۇمىستاعى قيىندىقتار تۋرالى ايتىپ بەردٸ.
