قوعامدىق كەلٸسٸم مەكەمەلەرٸ قىزمەتكەرلەرٸنٸڭ جالاقىسىن كٶبەيتۋ كەرەك. بۇل تۋرالى قازاقستان حالقى اسسامبلەياسىنىڭ كەڭەيتٸلگەن وتىرىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«ەكٸنشٸ مەسەلە – جەرگٸلٸكتٸ اتقارۋشى ورگاندار جۇمىسىنىڭ تيٸمدٸلٸگٸن ارتتىرۋ. بٸز بىلتىر ەر ٶڭٸردٸڭ ٸشكٸ ساياسات باسقارماسىنان جەكە بٶلٸم اشتىق. وسى بٶلٸمدەرگە قولداۋ كٶرسەتٸپ, جۇمىسىن جانداندىرا تٷسۋ كەرەك. وعان ٶز قۇزٸرەتٸنە كٸرمەيتٸن تاپسىرما بەرٸلمەۋٸ قاجەت. ەركٸم ٶزٸنە جٷكتەلگەن مٸندەتتٸ اتقارۋعا تيٸس. قوعامدىق كەلٸسٸم مەكەمەسٸنٸڭ دە قىزمەتٸنە قاتىستى وسى تالاپتى ۇستانۋعا تيٸسپٸز. اتالعان ۇجىمداردا جۇمىس ٸستەيتٸن قىزمەتكەرلەردٸڭ جالاقىسىن كٶبەيتكەن جٶن», - دەدٸ قاسىم-جومارت توقاەۆ.
مەملەكەت باسشىسى ەتنوسارالىق قاتىناس سالاسىنداعى ٶڭٸرلٸك قۇرىلىمداردى ماماندارمەن قامتاماسىز ەتۋگە دە باسا نازار اۋدارۋ كەرەكتٸگٸن ايتتى.
«بۇل جۇمىس ەڭ الدمەن ۇلتتىق قۇرامى ەرتٷرلٸ جەنە بەلگٸلٸ بٸر ەتنوس ٶكٸلدەرٸ تىعىز قونىستانعان ايماقتارعا قولعا الۋ قاجەت», - دەدٸ قر پرەزيدەنتٸ.
