Qoǵamdyq kelisim mekemeleri qyzmetkerleriniń jalaqysyn kóbeitý kerek. Bul týraly Qazaqstan halqy Assambleiasynyń keńeitilgen otyrysynda Memleket basshysy Qasym-Jomart Toqaev aitty, dep habarlaidy QazAqparat.
«Ekinshi másele – jergilikti atqarýshy organdar jumysynyń tiimdiligin arttyrý. Biz byltyr ár óńirdiń ishki saiasat basqarmasynan jeke bólim ashtyq. Osy bólimderge qoldaý kórsetip, jumysyn jandandyra túsý kerek. Oǵan óz quziretine kirmeitin tapsyrma berilmeýi qajet. Árkim ózine júktelgen mindetti atqarýǵa tiis. Qoǵamdyq kelisim mekemesiniń de qyzmetine qatysty osy talapty ustanýǵa tiispiz. Atalǵan ujymdarda jumys isteitin qyzmetkerlerdiń jalaqysyn kóbeitken jón», - dedi Qasym-Jomart Toqaev.
Memleket basshysy etnosaralyq qatynas salasyndaǵy óńirlik qurylymdardy mamandarmen qamtamasyz etýge de basa nazar aýdarý kerektigin aitty.
«Bul jumys eń aldmen ulttyq quramy ártúrli jáne belgili bir etnos ókilderi tyǵyz qonystanǵan aimaqtarǵa qolǵa alý qajet», - dedi QR Prezidenti.
