قازاقستان مۇسىلماندارى دٸني باسقارماسى تٶتەنشە جاعداي كەزٸندە سۇراقتارعا جاۋاپ بەرۋ ٷشٸن call-center اشتى. بۇل تۋرالى باس مٷفتي ناۋرىزباي قاجى تاعانۇلى مەلٸم ەتتٸ, دەپ حابارلايدى قازاقپارات.
«قازٸر بٸز ەلٸمٸزدەگٸ تٶتەنشە جاعداي كەزٸندە حالىققا ٷمٸت شۋاعىن شاشىپ, ولاردى جٸگەرلەندٸرٸپ, يمانىن كٷشەيتٸپ, قۇلشىلىعىن ارتتىرۋ ماقساتىندا ونلاين ناسيحات ايتىپ, ينتەرنەت جەلٸسٸ ارقىلى ارنايى دەرٸستەردٸڭ كەستەسٸن بەكٸتتٸك. سونىمەن قاتار, جاماعاتتىڭ سۇراعىنا دەر كەزٸندە جاۋاپ بەرۋ ٷشٸن call-center اشتىق. ونىڭ نٶمٸرٸ – 33-30-30. ورتالىققا نۇر-سۇلتان قالاسىنىڭ كودى ارقىلى تەلەفون شالۋعا بولادى. ورتالىقتا دٸن سالاسىنىڭ بٸلٸكتٸ ماماندارى تەۋلٸك بويى قازاق جەنە ورىس تٸلٸندەگٸ سۇراقتارعا جاۋاپ بەرەدٸ», - دەدٸ باس مٷفتي ورتالىق كوممۋنيكاتسييالار قىزمەتٸندەگٸ بريفينگٸدە.
وسى رەتتە ول ناۋقاس جاندارعا مەديتسينالىق كٶمەك كٶرسەتٸپ جٷرگەن دەرٸگەرلەرگە, قاۋٸپسٸزدٸك شارالارىنىڭ العى جەبٸندەگٸ ٸشكٸ ٸستەر جەنە قورعانىس سالاسىنىڭ قىزمەتكەرلەرٸنە, حالىققا وبەكتيۆتٸ اقپارات تاراتىپ وتىرعان باق ٶكٸلدەرٸنە, قايىرىمدىلىق شاراسىنا بەلسەندٸ تٷردە اتسالىپ جٷرگەن بارشا ەرٸكتٸ ازاماتتارعا العىسىن ايتتى.
«حالقىمىزدا «قايىرىمدىلىق جاساساڭ – قايىرىن ٶزٸڭ كٶرەسٸڭ» دەگەن ناقىل سٶز بار. دٸني باسقارمانىڭ نەگٸزگٸ جۇمىس باعىتتارىنىڭ بٸرٸ – قايىرىمدىلىق. مەن جۇرتىمىزعا جولداعان ٷندەۋٸمدە كارانتين كەزٸندە ٷمٸتسٸزدٸككە بوي الدىرماي, ساۋاپتى امالدار مەن قايىرىمدىلىق شارالارعا ٷلەس قوسۋعا شاقىردىم. وسى ٷندەۋدەن كەيٸن دٸن قىزمەتكەرلەرٸ كارانتين كەزٸندە 17 643 وتباسىنا كٶمەك كٶرسەتتٸ. سونىمەن قاتار جۇقپالى ٸندەتتٸڭ الدىن الۋ ماقساتىندا حالىققا كارانتين كەزٸندە 47 821 دانا بەتپەردە تاراتتىق. بەتپەردە مەشٸتتەرٸمٸزدەگٸ تٸگٸن شەبەرحانالارىندا تٸگٸلدٸ. قالعان بٶلٸگٸ دەمەۋشٸلەردٸڭ كٶمەگٸمەن جەتكٸزٸلدٸ», - دەدٸ باس مٷفتي.
وسى ورايدا ول يگٸ باستاماعا ٷلەس قوسقان بارشا دٸن قىزمەتكەرلەرٸنە, دەمەۋشٸ ازاماتتارعا ريزاشىلىن بٸلدٸردٸ.
«بٸز قاشان دا ٶزگەلەرگە قايىرىمدىلىق جاساپ, جان-جاعىمىزعا شۋاعىمىزدى تٶگٸپ, شاراپاتىمىزدى تيگٸزٸپ, ادامنىڭ العىسىن الىپ ٶسٸپ-ٶنگەن ەلمٸز», - دەدٸ ناۋرىزباي قاجى تاعانۇلى.
بۇدان بۇرىن حابارلانعانداي, ناۋرىزباي قاجى تاعانۇلى بيىل ەلٸمٸزدە رامازان ايى 24 سەۋٸر كٷنٸ باستالاتىنىن ايتتى.
