قورعانىس مينيسترلٸگٸ ەڭبەك ديناستييالارىن قۇرۋ ٷشٸن جاستاردى كەسٸپورىندارعا تارتىپ, ولاردىڭ پراكتيكالىق بٸلٸمٸن جەتٸلدٸرۋدٸ باسىم باعىتقا قويىپ وتىر. بۇل تۋرالى بٷگٸن قورعانىس جەنە اەروعارىش ٶنەركەسٸبٸ كەشەنٸ مينيسترٸ بەيبٸت اتامقۇلوۆ مەجٸلٸستە ٶتكەن ٷكٸمەت ساعاتىندا مەلٸمدەدٸ, دەپ حابارلايدى Sputnik قازاقستان تٸلشٸسٸ.
"بٷگٸندە وتاندىق قورعانىس ٶنەركەسٸبٸ كەشەنٸ ەلەكتروندى, اقپاراتتىق, عارىش تەحنولوگييالارىن بٸرٸكتٸرەدٸ. تاياۋ ارادا بٸز ەكونوميكانىڭ عىلىمدى قاجەت ەتەتٸن ٶنەركەسٸپ سەكتورلارىنىڭ بٸرٸنە اينالا الامىز. بٸزدٸڭ الاڭداردا جاڭا تەحنولوگييالىق يننوۆاتسييالىق شەشٸمدەر سىناقتان ٶتكٸزٸلەدٸ. بٸز قازٸر بۇل باعىتتا جۇمىس ٸستەپ جاتىرمىز", — دەدٸ مينيستر.
اتامقۇلوۆ قورعانىس ٶنەركەسٸبٸنٸڭ دامۋى سول سالادا ٸستەيتٸن جۇمىسشىلاردىڭ بٸلٸمٸ مەن بٸلٸكتٸلٸگٸنە بايلانىستى ەكەنٸن اتاپ ٶتتٸ.
"جاستاردى وقىتۋ, كەسٸپورىنداردا كەسٸبي كادرلار دايارلاۋ, جوعارى تەحنولوگييالىق سالانىڭ تٸرەگٸنە اينالاتىن ەڭبەك ديناستييالارىن قۇرۋ – بٸزدٸڭ باسىم باعىتتارىمىزدىڭ بٸرٸ. بٸز تالداۋ جاسادىق, قازٸر تەلٸمگەرلٸكككە ورالىپ جاتىرمىز. تەلٸمگەرلەردٸ ىنتالاندىرىپ, قورعانىس ٶنەركەسٸبٸ كەشەنٸندە كادرلىق ەلەۋەتتٸ ساقتاۋ ٷشٸن بارىمىزدى سالۋدامىز", — دەدٸ ۆەدومستۆو باسشىسى.
مينيستردٸڭ ايتۋىنشا, قيىن-قىستاۋ جىلدارى قازاقستان كٶپتەگەن بٸلٸكتٸ مامانىنان ايىرىلدى.
"ٶكٸنٸشكە قاراي, قيىن-قىستاۋ جىلدارى بٸز كٶپ اقىلدى ادامدى جوعالتتىق: جەر اۋداردى, زەينەتكە شىقتى, سٶيتٸپ ارتىنان ەرگەن جاستارمەن تەجٸريبەسٸمەن بٶلٸسە المادى. كەسٸپورىندارعا پايدانى عانا كٶزدەگەن, تەز بايىپ شىعۋدى ويلاعان مەنەدجەرلەر كەلگەن ۋاقىت nا بولدى. دەسەك تە, ەلٸن سٷيگەن ٷزدٸك پاتريوت كادرلار قالدى. ولار قيىندىققا تٶزٸپ, بەرٸنە شىداپ, بٷگٸندە سولاردىڭ ارقاسىندا كەسٸپورىندارىمىز جۇمىس ٸستەپ تۇر", — دەپ تٷيٸندەدٸ سٶزٸن اتامقۇلوۆ.
