قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ كيٸكتەردٸ اتۋعا رۇقسات بەرٸلۋٸ مٷمكٸن ەكەنٸن ايتتى, دەپ حابارلايدى قازاقپارات.
«كيٸكتەردٸ اتۋعا رۇقسات بەرٸلۋٸ مٷمكٸن. ەگەر بٸزدٸڭ عالىمدار كيٸك سانىن رەتتەۋگە رۇقسات بەرەتٸن بولسا, قازٸر جۇمىس توبىمەن بٷكٸل سۇراقتاردى قاراستىرىپ جاتىرمىز», - دەدٸ ەكولوگييا مينيسترٸ مەجٸلٸس وتىرىسىنان كەيٸن تٸلشٸلەرگە بەرگەن سۇحباتىندا.
ونىڭ ايتۋىنشا, بيولوگييالىق نەگٸزدەمە قازاقستاننىڭ بارلىق اۋماعىنا - بەتپاقدالا, ٷستٸرت جەنە ورال پوپۋلياتسييالارىنا تارالادى.
«قازٸر نەگٸزگٸ مەسەلە باتىس قازاقستان وبلىسى بويىنشا بايقالىپ وتىر. ٶيتكەنٸ, كيٸكتەر قازٸر اۋىل شارۋاشىلىعى تاۋارىن ٶندٸرۋشٸلەردٸڭ ەگٸستٸكتەرٸنە شىعىپ جاتىر. سوندىقتان مۇندا بەلگٸلٸ بٸر مەسەلە بار. تٸپتٸ مەسەلە مۇندا عانا ەمەس. عالىمدارىمىزدىڭ كيٸك سانىن رەتتەۋ قاجەت دەگەن ۇسىنىسى بار. بۇل پوپۋلياتسييانىڭ ٶزٸن قورعاۋ ٷشٸن دە قاجەت. قازٸر باسپاسٶزدٸ دە جٸتٸ وقىپ وتىرمىز. وندا بٸزدٸ قىزىل كٸتاپقا ەنگەن كيٸكتەردٸ اتۋعا رۇقسات بەرٸپ, اڭشىلىق شارۋاشىلىقتاردىڭ مٷددەسٸن قورعاپ وتىر دەپ جاتىر. بٸرٸنشٸدەن, كيٸك قىزىل كٸتاپقا ەنگٸزٸلمەگەن. ول جويىلىپ بارا جاتقان تٷر رەتٸندە قاراستىرىلادى. 2016 جىلدان باستاپ بٸزدە 110 مىڭ كيٸك بولدى. بٷگٸنگٸ تاڭدا ولاردىڭ سانى 1 ميلليون 318 مىڭعا جەتتٸ, بٸز پوپۋلياتسييانى ساقتاپ قالدىق. قولدان كەلگەننٸڭ بەرٸن جاسادىق. ەندٸ بۇل پوپۋلياتسييانى رەتتەيتٸن ۋاقىت كەلدٸ», - دەدٸ برەكەشەۆ.
سونىمەن بٸرگە, تٸلشٸلەر كيٸك سانىن قالاي رەتتەۋگە بولاتىنىن سۇرادى.
«قازٸر بيونەگٸزدەۋ اياقتالادى. ودان كەيٸن كيٸك سانىن رەتتەۋگە ناقتى ليميت بەلگٸلەنەدٸ. بۇل رەتتەۋدٸڭ ٸشٸندە وسى جانۋارلاردى اتۋ دا بار. قايتالاپ ايتامىن – بۇل شەشٸم تەك بيولوگييالىق عىلىمي نەگٸزدەمەدە قابىلدانادى. ليميت قاتاڭ تٷردە انىقتالادى. قازٸر جۇمىس توبى قۇرىلدى, بۇل مەسەلە جۇمىس توبىندا قاراستىرىلىپ جاتىر. جۇمىس توبىنا بارلىق مٷددەلٸ مەملەكەتتٸك ورگانداردىڭ, باس پروكۋراتۋرانىڭ, ٸٸم ٶكٸلدەرٸ كٸرەدٸ. بٸز براكونەرلٸكتٸ زاڭداستىرۋعا جول بەرمەۋ ٷشٸن بارلىق جۇمىستى جاساپ جاتىرمىز. بارلىق مەسەلەلەر جان-جاقتى قاراستىرىلادى. مەنٸڭ ويىمشا, تەكسەرٸلگەن ناقتى شەشٸم بولادى», - دەدٸ سەرٸكقالي برەكەشەۆ.
