ۋكراينا قاۋٸپسٸزدٸك قىزمەتٸنٸڭ قىزمەتكەرلەرٸ كيەۆتە گرۋزييانىڭ بۇرىنعى پرەزيدەنتٸ, "جاڭا كٷشتەر قوزعالىسى" ساياسي قوزعالىسىنىڭ جەتەكشٸسٸ ميحايل سااكاشۆيليدٸ تۇتقىندادى, دەپ حابارلايدى "ۇلت اقپارات" ازاتتىققا سٸلتەمە جاساپ.
ساياساتكەرگە قانداي ايىپ تاعىلعانى ەزٸرگە بەلگٸسٸز. راديو سۆوبودانىڭ كيەۆتەگٸ تٸلشٸسٸ ۆلاديمير يۆاحنەنكونىڭ ايتۋىنشا, سااكاشۆيليدٸڭ قولىنا كٸسەن سالىپ, پەتەرٸنەن شىعارعان. ۇستاۋ كەزٸندە سااكاشۆيليدٸڭ جاقتاستارى مەن ارنايى جاساق ساربازدارى جانجالداسىپ قالعان. سااكاشۆيليدٸڭ پەتەرٸ ورنالاسقان ٷيدٸ ۋكراينا قاۋٸپسٸزدٸك قىزمەتٸنٸڭ ارنايى جاساعى مەن پوليتسييا قورشاۋعا العان. سااكاشۆيليدٸڭ جاقتاستارى ول وتىرعان كٶلٸكتٸڭ جولىن بٶگەدٸ. ولار "پوزور!", "ميشا!" جەنە "يمپيچمەنت!" دەپ ۇرانداپ تۇر.
بۇدان بۇرىن سەيسەنبٸ كٷنٸ ۋكراينا قاۋٸپسٸزدٸك قىزمەتٸ مەن باس پروكۋراتۋرا سااكاشۆيليدٸڭ پەتەرٸن تٸنتۋگە بارعان. ساياساتكەر قۇقىق قورعاۋ ورگاندارىنىڭ قىزمەتكەرلەرٸنەن جاسىرىنىپ, ٷيدٸڭ شاتىرىنا شىعىپ كەتكەن. سااكاشۆيليدٸڭ ادۆوكاتى مەن جوعارعى رادانىڭ دەپۋتتاتتارى يۋريي دەرەۆياننىي مەن ۆيكتور چۋماكتٸ ٷيگە كٸرگٸزبەدٸ.
ۋكراينا باس پروكۋرورى يۋريي لۋتسەنكو سااكاشۆيليدٸ ول جاقتاستارىمەن بٸرگە 17 قازاندا جوعارعى رادا الدىنا شاتىر تٸككەن سوڭ "مەملەكەتتٸك تٶڭكەرٸس جاساماق بولدى" دەپ ايىپتاعان. پارلامەنت الدىنداعى ول شاتىرلاردا جٷزدەگەن دەمونسترانت ەلٸ تۇرىپ جاتىر.
دەمونسترانتتاردىڭ دەپۋتاتتارعا قويعان تالاپتارىنىڭ اراسىندا "ۋكراينا پرەزيدەنتٸنە يمپيچمەنت جارييالاۋ تۋرالى" زاڭ قابىلداۋ تالابى دا بار.
3 جەلتوقساندا كيەۆتە "يمپيچمەنت ٷشٸن مارشى" ٶتكەن. وعان بٸرنەشە مىڭ دەمونسترانت قاتىسقان. سول كٷنٸ مارشتا سٶيلەگەن سااكاشۆيلي ٶز قوزعالىسى ٶزگە ۇيىمدارمەن بٸرگە ۋكراينانىڭ بارلىق ايماعىندا يمپيچمەنت جارييالاۋ جٶنٸندەگٸ كوميتەت قۇراتىنىن حابارلاپ, كيەۆتە 10 جەلتوقسان كٷنٸ جاڭا اكتسييا بولاتىنىن جارييالاعان. سااكاشۆيلي بەلسەندٸلەر بۇل كٷنٸ پرەزيدەنت ەكٸمشٸلٸگٸن قورشاۋى مٷمكٸن ەكەنٸن جوققا شىعارماعان.
