2020 جىلدىڭ II توقسانىندا حالىققا قىزمەت كٶرسەتۋ ورتالىقتارىندا «قانداستارعا» مەملەكەتتٸك قىزمەتتٸ بٸر مەزگٸلدە كٶرسەتۋ تەتٸگٸ ٸسكە قوسىلادى. بۇل تۋرالى مەجٸلٸس دەپۋتاتتارىنىڭ ساۋالىنا قر پرەمەر-مينيسترٸ اسقار ماميننٸڭ جاۋابىندا ايتىلعان, دەپ حابارلايدى قازاقپارات.
«زاڭناماعا سەيكەس قانداستارعا «ەڭبەك» نەتيجەلٸ جۇمىسپەن قامتۋدى جەنە جاپپاي كەسٸپكەرلٸكتٸ دامىتۋدىڭ 2017-2021 جىلدارعا ارنالعان مەملەكەتتٸك باعدارلاماسى اياسىندا «ەڭبەك نارىعى» اۆتوماتتاندىرىلعان اقپاراتتىق جٷيەسٸ ارقىلى جٷزەگە اسىرىلاتىن ەرٸكتٸ تٷردە قونىس اۋدارۋدى قولداۋ شارالارىن قوسا العاندا, حالىقتى جۇمىسپەن قامتۋ سالاسىنداعى كٶرسەتٸلەتٸن قىزمەتتەرمەن قامتاماسىز ەتۋگە قانداستارعا قازاقستان رەسپۋبليكاسىنىڭ ازاماتتارىمەن تەڭ مٷمكٸندٸك بەرٸلەدٸ. سونىمەن قاتار مەملەكەت باسشىسىنىڭ (2020 جىلعى 22 قازاندا ۇلتتىق قوعامدىق سەنٸم كەڭەسٸنٸڭ تٶرتٸنشٸ وتىرىسىندا بەرٸلگەن) «ەڭبەك» مەملەكەتتٸك باعدارلاماسى اياسىندا قونىس اۋدارۋشىلارعا جەنە قانداستارعا سولتٷستٸك ٶڭٸرلەرگە كٶشۋگە بەرٸلەتٸن سۋبسيدييالار مٶلشەرٸن 2 ەسە – 35-تەن 70 اەك-كە دەيٸن ۇلعايتۋعا قاتىستى تاپسىرماسىن ٸسكە اسىرۋ بويىنشا ٷكٸمەت قاۋلىسىنىڭ جوباسى ەزٸرلەندٸ», - دەدٸ اسقار مامين.
ونىڭ ايتۋىنشا, تاريحي وتانىنا شەتەلدەن ورالعان قانداستارعا كونسۋلتاتسييالىق جەنە اقپاراتتىق قولداۋ كٶرسەتۋ ماقساتىندا الماتى جەنە شىمكەنت قالالارىندا, سونداي-اق الماتى, اقمولا, سولتٷستٸك قازاقستان, شىعىس قازاقستان, قاراعاندى, قوستاناي, پاۆلودار جەنە جامبىل وبلىستارىندا «قانداستاردى اقپاراتتىق قولداۋ ورتالىقتارى» (فرونت وفيستەر) قۇرىلدى.
«اتالعان فرونت وفيستەر 2020 جىلى قانداستاردىڭ 5 مىڭنان استام ٶتٸنٸشٸن قارادى. «ازاماتتارعا ارنالعان ٷكٸمەت» مەملەكەتتٸك كورپوراتسيياسىمەن بٸرلەسٸپ, «بٸر تەرەزە» قاعيداتى بويىنشا «قانداستارعا» مەملەكەتتٸك قىزمەت كٶرسەتۋ كەزٸندە بيزنەس-پروتسەستەردٸ وڭتايلاندىرۋ جٶنٸندەگٸ جول كارتاسى ٸسكە اسىرىلۋدا», - دەدٸ ٷكٸمەت باسشىسى.
اسقار ماميننٸڭ اتاپ ٶتۋٸنشە, وسى جىلدىڭ II توقسانىندا حالىققا قىزمەت كٶرسەتۋ ورتالىقتارىندا ٶڭٸرلٸك كۆوتاعا ەنگٸزۋدٸ, تۇراقتى تۇرۋعا رۇقسات الۋدى جەنە جەڭٸلدەتٸلگەن تەرتٸپپەن قازاقستان رەسپۋبليكاسىنىڭ ازاماتتىعىنا قابىلداۋدى كٶزدەيتٸن «قانداستارعا» مەملەكەتتٸك قىزمەتتٸ بٸر مەزگٸلدە كٶرسەتۋ ٸسكە قوسىلاتىن بولادى.
«بۇدان باسقا, قانداستاردى بەيٸمدەۋ جەنە ينتەگراتسييالاۋ ورتالىقتارىندا (قاراعاندى, تٷركٸستان وبلىستارى جەنە شىمكەنت قالاسى) اقپاراتتىق-انىقتامالىق قىزمەتتەر كٶرسەتٸلەدٸ. ونىڭ ٸشٸندە قازاقستان رەسپۋبليكاسىنىڭ تاريحى, مەدەنيەتٸ مەن دەستٷرلەرٸ, زاڭناما نەگٸزدەرٸ جەنە شاعىن بيزنەس اشۋ بويىنشا وقىتۋ كۋرستارىن ٶتكٸزۋ, قانداستاردىڭ قوعامعا بەيٸمدەلۋٸ مەن ينتەگراتسيياسىن جەدەلدەتۋگە ىقپال ەتەتٸن جۇمىسقا ورنالاسۋعا كٶمەك كٶرسەتٸلەدٸ», - دەدٸ پرەمەر-مينيستر.
