بٸرەر كٷننەن كەيٸن كەسٸپقوي بوكستاعى بەسٸنشٸ كەزدەسۋٸنە شىققالى وتىرعان بوكسشى جەنٸبەك ەلٸمحانۇلى وسى جەكپە-جەگٸندە دە قازاقى بوكس ستيلٸن كٶرسەتۋگە ۋەدە بەردٸ, دەپ حابارلايدى "ۇلت اقپارات".
«جەنٸبەك حان - قازاق حاندىعىنىڭ نەگٸزٸن قالاعان حانداردىڭ بٸرٸ. ەڭسەلٸ ەل بولۋ جولىنداعى كەرەي مەن جەنٸبەكتٸڭ ەڭبەگٸ تاريحتا التىن ەرٸپپەن جازۋلى. ۇلت ٷشٸن ٶلشەۋسٸز ەڭبەك ەتتٸ. بٸزگە دە ازان شاقىرىپ حان ەسٸمٸ قويىلعان سوڭ, ەلسٸز بولۋعا قاقىمىز جوق. بابالارداي ۇلى ٸس اتقارا الماساق تا, تۋدى قۇلاتپاي, نامىستى بەرمەي, جەڭٸسپەن ەلدٸ قۋانتۋ - نەگٸزگٸ مٸندەتٸم دەپ ەسەپتەيمٸن. تاقىمقىسار اعايىنعا مىڭ العىس. مۇحيتتىڭ ارعى بەتٸندە جانكٷيەرلٸكتەرٸڭٸزدٸ سەزٸنٸپ جٷرمٸن. بەسٸنشٸ جەكپە-جەككە دە از كٷن قالدى. جەكسەنبٸدە امەريكالىقتارعا قازاقتىڭ بوكس ستيلٸن كٶرسەتەمٸز, بۇيىرتسا. جەڭٸستە جٷزدەسەيٸك. تۋ جەلبٸرەسٸن!», - دەپ جازدى بوكسشى ينستاگرام پاراقشاسىندا.
ايتا كەتسەك, بۇعان دەيٸن قازاقستاندىق سپورتشى 2 اقپان كٷنٸ امەريكانىڭ فريسكو قالاسىندا (تەحاس, اقش) سەرگەي كوۆالەۆ پەن ەلەيدەر الۆارەس رەۆانشىنىڭ اندەركاردىندا جەكپە-جەك ٶتكٸزەتٸنٸن حابارلاعان بولاتىن. BoxRec.com سايتىنىڭ مەلٸمەتٸنشە, جەنٸبەكتٸڭ بەسٸنشٸ جەكپە-جەگٸندەگٸ قارسىلاسى - اقش ٶكٸلٸ, The Hitman (جالدامالى كٸسٸ ٶلتٸرۋشٸ) اتالىپ كەتكەن بوكسشى ستيۆەن مارتينەس (18-4, 13 كو).
ەسكە سالا كەتەيٸك, جەنٸبەك ەلٸمحانۇلى تٶرتٸنشٸ جەكپە-جەگٸن ٶتكەن جىلدىڭ قاراشا ايىندا امەريكالىق «جىرتقىش» لاقاپ اتتى الەكساندر ۆونمەن ٶتكٸزٸپ, تٶرەشٸلەر شەشٸمٸمەن جەڭٸسكە جەتكەن ەدٸ.
