حالىقارالىق بايقاۋلار مەن پەن وليمپيادالارىندا جەڭگەن بالالارعا 4 ملن تەڭگەگە دەيٸن بٸر رەتٸك تٶلەم جاسالادى. بۇل تۋرالى بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«بۇل زاڭعا پرەزيدەنت قول قويۋى قاجەت. پرەزيدەنت قول قويسا, دەرەۋ ٸسكە اسادى. بيىلعى جىلى حالىقارالىق دودالاردىڭ, ولمپيادالاردىڭ جەڭٸمپازدارى بولسا, وسى مٷمكٸندٸككە يە بولادى. ياعني, بٸر رەتتٸك تٶلەمدەر 4 ميلليون تەڭگەگە دەيٸن جەتەدٸ, ەكٸنشٸدەن – ولاردىڭ تەلٸمگەرلەرٸنە بەرٸلەتٸن قارجى بار, ٷشٸنشٸدەن – وسى بالالارعا ارنايى گرانتتار بەرۋ مەسەلەسٸ قارالدى», - دەدٸ اسحات ايماعامبەتوۆ سەناتتا تٸلشٸلەرگە بەرگەن سۇحباتىندا.
مينيستردٸڭ ايتۋىنشا, تەك قانا وليمپيادا قاتىسۋشىلارىنا عانا ەمەس, تٷرلٸ شىعارماشىلىق, دٷنيەجٷزٸلٸك كونكۋرستاردىڭ جەڭٸمپازدارىنا دا گرانت بەرۋ مەسەلەسٸ قاراستىرىلىپ وتىر.
«تٷرلٸ دٷنيەجٷزٸلٸك دەڭگەيدەگٸ سپورتتىق جارىستاردىڭ جەڭٸمپازدارىنا ۇبت تاپسىرماي-اق جوو-عا تٷسۋ مٷمكٸندٸگٸن دە قاراستىردىق. بۇل ٶتە جاقسى مەسەلە, ٶيتكەنٸ قاراڭىزدار, حيمييانى كەرەمەت بٸلەتٸن بالا مەندەلەەۆ وليمپياداسىنان جەڭٸسپەن ورالدى, بٸراق ول ۇبت-عا بارعاندا قازاق تٸلٸن دە, تاريحتى دا, حيمييانى دا بٸلۋٸ كەرەك بولادى. سوندىقتان بٸزدٸڭ ايتىپ وتىرعانىمىز – وسىنداي بالالاردان ايىرىلىپ قالماۋىمىز كەرەك. زاڭعا تٷزەتۋلەر ەنگٸزٸلدٸ, بۇل 10-20 جىلدان بەرٸ حالىق كٶتەرٸپ جٷرەتٸن مەسەلەنٸڭ بٸرٸ. سوندىقتان بۇل مەسەلە شەشٸمٸن تاپتى», - دەدٸ ايماعامبەتوۆ.
ايتا كەتەيٸك, مەملەكەت باسشىسى قاسىم-جومارت توقاەۆ دارىندى بالالاردى قولداۋ ٷشٸن شارالار ەزٸرلەۋدٸ تاپسىردى. بۇل مٸندەتتٸ ٸسكە اسىرۋ ٷشٸن بٸلٸم مينيسترلٸگٸ زاڭناماعا تٷزەتۋلەر ەزٸرلەدٸ.
سونىمەن قاتار حالىقارالىق وليمپيادالاردىڭ التىن مەدال يەگەرٸنە – 1500 ايلىق ەسەپتٸك كٶرسەتكٸش, كٷمٸس مەدال – 1000 اەك, قولا مەدال يەگەرٸنە 500 اەك مٶلشەرٸندە بٸرجولعى سىياقى تٶلەۋ رەسپۋبليكالىق بيۋدجەت قاراجاتى ەسەبٸنەن جوسپارلانۋدا. سونداي-اق, ولاردى دايىنداعان پەداگوگتەرگە بٸرجولعى سىياقى تٶلەمدەرٸ مىناداي مٶلشەردە بەلگٸلەنەدٸ: التىن مەدال يەگەرٸن دايىنداعان پەداگوگكە – 150 اەك, كٷمٸس مەدال – 100 اەك, قولا مەدال – 50 اەك.
