پارلامەنت سەناتىنىڭ جالپى وتىرىسىندا «قازاقستان رەسپۋبليكاسى مەن حالىقارالىق قارجى كورپوراتسيياسى اراسىنداعى قازاقستاندا وفيستەر قۇرۋ جەنە ولاردىڭ قىزمەتٸ تۋرالى كەلٸسٸمدٸ راتيفيكاتسييالاۋ تۋرالى» زاڭى قابىلداندى, دەپ حابارلايدى قازاقپارات.
كەلٸسٸم 2020 جىلى 28 قاڭتاردا نۇر-سۇلتان قالاسىندا جاسالدى.
«كەلٸسٸم حالىقارالىق قارجى كورپوراتسيياسىنىڭ وفيسٸ قىزمەتٸنٸڭ نەگٸزگٸ ەرەجەلەرٸن, سونداي-اق, قىزمەتكەرلەر ٷشٸن ارتىقشىلىقتار مەن يممۋنيتەتتەردٸ بەلگٸلەيدٸ. حالىقارالىق قارجى كورپوراتسيياسى 1956 جىلى قۇرىلىپ, حالىقارالىق دامۋ ينستيتۋتى سانالادى. ونىڭ نەگٸزگٸ قىزمەتٸ جەكە سەكتوردىڭ دامۋىنا جەردەمدەسۋگە باعىتتالعان. حالىقارالىق قارجى كورپوراتسيياسى دٷنيەجٷزٸلٸك بانك توبىنىڭ قۇرامىنا كٸرەدٸ», - دەدٸ قازاقستان رەسپۋبليكاسىنىڭ ۇلتتىق ەكونوميكا مينيسترٸ ەسەت ەرعاليەۆ.
حالىقارالىق قارجى كورپوراتسيياسىنىڭ كەڭسەلەرٸ 104 ەلدە بار.
سونىمەن بٸرگە, كورپوراتسييا ٶڭٸرلٸك وفيستەرٸ ەلەمنٸڭ تەك 13 قالاسىندا, ونىڭ ٸشٸندە الماتىدا ورنالاسقان.
«حالىقارالىق قارجى كورپوراتسيياسى وفيستەرٸ ورنالاسقان بارلىق مەملەكەتتەرمەن وفيستەردٸڭ قىزمەتٸ تۋرالى ۇقساس كەلٸسٸمدەر جاسادى. ول قازاقستاندا ٶز قىزمەتٸن 1994 جىلدان باستاپ جٷزەگە اسىرىپ كەلەدٸ.
وسى كەزەڭنەن باستاپ 1,6 ميلليارد دوللار كٶلەمٸندە جوبالار قارجىلاندىرىلدى. بۇل ورتالىق ازييا ەلدەرٸنە سالىنعان ينۆەستيتسييالاردىڭ جالپى كٶلەمٸنٸڭ 70 پايىزىن قۇرادى. اتالعان كەلٸسٸم حالىقارالىق قارجى كورپوراتسيياسىنىڭ قازاقستاندىق وفيسٸنٸڭ ورنىقتى جۇمىس ٸستەۋٸنە جەنە جاڭا ينۆەستيتسييالار تارتۋعا ىقپال ەتەدٸ. كەلٸسٸمدٸ راتيفيكاتسييالاۋ تەرٸس ەلەۋمەتتٸك-ەكونوميكالىق جەنە قۇقىقتىق سالدارعا ەكەپ سوقپايدى», - دەدٸ مينيستر.
