پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسى مەن حالىقارالىق قارجى كورپوراتسيياسى اراسىنداعى قازاقستان رەسپۋبليكاسىندا وفيستەر قۇرۋ جەنە ولاردىڭ قىزمەتٸ تۋرالى كەلٸسٸمدٸ راتيفيكاتسييالاۋ تۋرالى» زاڭ جوباسى ماقۇلداندى, دەپ حابارلايدى "ۇلت اقپارات".
كەلٸسٸم 2020 جىلى 28 قاڭتاردا نۇر-سۇلتان قالاسىندا جاسالدى.
«كەلٸسٸم حالىقارالىق قارجى كورپوراتسيياسىنىڭ وفيسٸ قىزمەتٸنٸڭ نەگٸزگٸ ەرەجەلەرٸن, سونداي-اق, قىزمەتكەرلەر ٷشٸن ارتىقشىلىقتار مەن يممۋنيتەتتەردٸ بەلگٸلەيدٸ. حالىقارالىق قارجى كورپوراتسيياسى 1956 جىلى قۇرىلىپ, حالىقارالىق دامۋ ينستيتۋتى بولىپ تابىلادى. ونىڭ نەگٸزگٸ قىزمەتٸ جەكە سەكتوردىڭ دامۋىنا جەردەمدەسۋگە باعىتتالعان.
حالىقارالىق قارجى كورپوراتسيياسى دٷنيەجٷزٸلٸك بانك توبىنىڭ قۇرامىنا كٸرەدٸ», - دەدٸ قر ۇلتتىق ەكونوميكا مينيسترٸ رۋسلان دەلەنوۆ.
دٷنيەجٷزٸلٸك بانك توبى مىناداي بەس ۇيىمنان تۇرادى:
حالىقارالىق قايتا قۇرۋ جەنە دامۋ بانكٸ;
حالىقارالىق قارجى كورپوراتسيياسى;
حالىقارالىق دامۋ قاۋىمداستىعى;
ينۆەستيتسييالار كەپٸلدٸكتەرٸ جٶنٸندەگٸ كٶپجاقتى اگەنتتٸك;
ينۆەستيتسييالىق داۋلاردى رەتتەۋ جٶنٸندەگٸ حالىقارالىق ورتالىق.
سونىمەن بٸرگە, كورپوراتسييا ٶڭٸرلٸك وفيستەرٸ ەلەمنٸڭ تەك 13 قالاسىندا, ونىڭ ٸشٸندە الماتىدا ورنالاسقان.
«حالىقارالىق قارجى كورپوراتسيياسى وفيستەرٸ ورنالاسقان بارلىق مەملەكەتتەرمەن وفيستەردٸڭ قىزمەتٸ تۋرالى ۇقساس كەلٸسٸمدەر جاسادى.
حالىقارالىق قارجى كورپوراتسيياسى قازاقستاندا ٶز قىزمەتٸن 1994 جىلدان باستاپ جٷزەگە اسىرادى. وسى كەزەڭنەن باستاپ 1,6 ميلليارد دوللار كٶلەمٸندە جوبالار قارجىلاندىرىلدى. بۇل ورتالىق ازييا ەلدەرٸنە سالىنعان ينۆەستيتسييالاردىڭ جالپى كٶلەمٸنٸڭ 70 پروتسەنتٸن قۇرايدى. اتالعان كەلٸسٸم حالىقارالىق قارجى كورپوراتسيياسىنىڭ قازاقستاندىق وفيسٸنٸڭ ورنىقتى جۇمىس ٸستەۋٸنە جەنە جاڭا ينۆەستيتسييالار تارتۋعا ىقپال ەتەدٸ. كەلٸسٸمدٸ راتيفيكاتسييالاۋ تەرٸس ەلەۋمەتتٸك-ەكونوميكالىق جەنە قۇقىقتىق سالدارلارعا ەكەپ سوقتىرمايدى», - دەپ تٷسٸندٸردٸ مينيستر.
