الماتى قالالىق سوتىندا حالىقارالىق اقپاراتتىق تەحنولوگييالار ۋنيۆەرسيتەتٸنٸڭ بۇرىنعى رەكتورى دامير شىنىبەكوۆ پەن باس ەسەپشٸ جانايىم سپابەكوۆانىڭ ٷستٸنەن قوزعالعان قىلمىستىق ٸس بويىنشا اپەللياتسييالىق شاعىم قارادى. ولار سەگٸز جىلعا باس بوستاندىعىنان ايىرىلعان بولاتىن, دەپ حابارلايدى "ۇلت اقپارات".
اپەللياتسييالىق ساتىداعى سوت پروتسەستٸك شىعىنداردىڭ سوماسىن ناقتىلاپ, دامير شىنىبەكوۆتٸڭ قاماۋدا بولعان ۋاقىتى جازالاۋ مەرزٸمٸنە ەسەپتەلەتٸنٸن مەلٸم ەتتٸ.
«سونىمەن قاتار, ايىپتاۋ اكتٸسٸندە, سوتقا دەيٸنگٸ تەرگەۋ ورگانى شىنىبەكوۆتٸڭ مٷلكٸ قىلمىستىق جولمەن الىنعانىن كٶرسەتپەگەندٸكتەن, سوت مٷلٸكتٸ تەركٸلەمەي, ونى زالالدى ٶتەۋ ەسەبٸنەن مەملەكەت كٸرٸسٸنە اۋداردى. قالعان بٶلٸگٸندە ٷكٸم ٶزگەرٸسسٸز قالدى. قاۋلى زاڭدى كٷشٸنە ەندٸ», - دەپ حابارلادى قالالىق سوتتىڭ باسپاسٶز قىزمەتٸ.
ەسكە سالايىق, 2020 جىلدىڭ 5 قازانىندا حالىقارالىق ٸت ۋنيۆەرسيتەتٸنٸڭ بۇرىنعى رەكتورى مەن باس بۋحگالتەرٸ سەگٸز جىلعا باس بوستاندىعىنان ايىرىلعان بولاتىن.
ايتا كەتەيٸك, وقۋ ورنىنىڭ بۇرىنعى رەكتورى دامير شىنىبەكوۆ بىلتىر ماۋسىم ايىندا قامالدى. سوتتالۋشى د. شىنىبەكوۆ پەن ج.سپابەكوۆاعا قىلمىستىق كودەكستٸڭ 189-بابى 2-بٶلٸمٸ 4- تارماعىمەن 1,7 ملرد تەڭگە جىمقىردى دەگەن ايىپ تاعىلدى.
