Almaty qalalyq sotynda Halyqaralyq aqparattyq tehnologiialar ýniversitetiniń burynǵy rektory Damir Shynybekov pen bas esepshi Janaiym Spabekovanyń ústinen qozǵalǵan qylmystyq is boiynsha apelliatsiialyq shaǵym qarady. Olar segiz jylǵa bas bostandyǵynan aiyrylǵan bolatyn, dep habarlaidy "Ult aqparat".
Apelliatsiialyq satydaǵy sot protsestik shyǵyndardyń somasyn naqtylap, Damir Shynybekovtiń qamaýda bolǵan ýaqyty jazalaý merzimine esepteletinin málim etti.
«Sonymen qatar, aiyptaý aktisinde, sotqa deiingi tergeý organy Shynybekovtiń múlki qylmystyq jolmen alynǵanyn kórsetpegendikten, sot múlikti tárkilemei, ony zalaldy óteý esebinen memleket kirisine aýdardy. Qalǵan bóliginde úkim ózgerissiz qaldy. Qaýly zańdy kúshine endi», - dep habarlady qalalyq sottyń baspasóz qyzmeti.
Eske salaiyq, 2020 jyldyń 5 qazanynda Halyqaralyq IT ýniversitetiniń burynǵy rektory men bas býhgalteri segiz jylǵa bas bostandyǵynan aiyrylǵan bolatyn.
Aita keteiik, oqý ornynyń burynǵy rektory Damir Shynybekov byltyr maýsym aiynda qamaldy. Sottalýshy D. Shynybekov pen J.Spabekovaǵa Qylmystyq kodekstiń 189-baby 2-bólimi 4- tarmaǵymen 1,7 mlrd teńge jymqyrdy degen aiyp taǵyldy.
