فوتو: Freepik
بٷگٸن – حالىقارالىق اكۋشەرلەر كٷنٸ. بۇل كەسٸبي مەرەكە 1987 جىلى ۇسىنىلىپ, 1992 جىلى رەسمي تٷردە مويىندالعان بولاتىن. قازٸرگٸ تاڭدا ەلٸمٸزدە 9 مىڭنان استام اكۋشەر ەڭبەك ەتەدٸ. دەنساۋلىق ساقتاۋ مينيسترلٸگٸنٸڭ مەلٸمەتٸنشە, ولاردىڭ 64%-ى قالادا, 36%-ى اۋىلدا جۇمىس ٸستەيدٸ. وسى ورايدا Ult.kz تٸلشٸسٸ ەلٸمٸزدەگٸ اكۋشەرلەرٸك مەكەمەلەردٸ انىقتاپ كٶردٸ.
الدىمەن ايتا كەتەرلٸگٸ, دەنساۋلىق ساقتاۋ مينيسترلٸگٸ بٷگٸنگٸ ايتۋلى مەرەكەمەن كەسٸپ يەلەرٸن قۇتتىقتادى.
«بٷگٸن بٸز جاڭا ٶمٸردٸڭ باستاۋىندا تۇراتىن جانداردى – اكۋشەرلەردٸ قۇتتىقتايمىز! قازاقستاندا جىل سايىن ورتا ەسەپپەن 370 مىڭعا جۋىق بوسانۋ قابىلدانادى جەنە ەربٸر وسى كەرەمەتتٸڭ ارتىندا اكۋشەرلەردٸڭ ەڭبەگٸ, قامقورلىعى مەن بٸلٸكتٸلٸگٸ جاتىر. ولار بولاشاق انالاردى پەرزەنتحاناعا تٷسكەن سەتتەن باستاپ شىعارىلعانعا دەيٸن قامقورلىق جاساپ, تەك مەديتسينالىق ەمەس, مورالدىق قولداۋ دا كٶرسەتەدٸ. بۇل – ەيەلدەر مەن ولاردىڭ سەبيلەرٸ ٷشٸن ەڭ تولقىنىستى ەرٸ ماڭىزدى سەتتەردە جانىندا بولاتىن ناعىز قاھارماندار», – دەدٸ مينيسترلٸك.
قازاقستانداعى اكۋشەرلەر قىزمەتٸ انا مەن بالا دەنساۋلىعىن قورعاۋدا ماڭىزدى رٶل اتقارادى. بۇل سالادا اكۋشەر-گينەكولوگتار, اكۋشەرلەر, نەوناتولوگتار, پەدياترلار جەنە ورتا مەديتسينالىق قىزمەتكەرلەر بٸرٸگٸپ جۇمىس ٸستەيدٸ. ولار جٷكتٸ ەيەلدەردٸ باقىلاۋدان باستاپ, بوسانۋدى قابىلداۋعا, بوسانعاننان كەيٸنگٸ كەزەڭدە كٶمەك كٶرسەتۋگە جەنە وتباسىن جوسپارلاۋ مەسەلەلەرٸنە دەيٸنگٸ كەڭ اۋقىمدى قىزمەتتەردٸ ۇسىنادى. سونىمەن قاتار پروفيلاكتيكالىق تەكسەرۋلەر مەن سكرينينگتەرگە دە جاۋاپتى.
قازاقستاننىڭ بارلىق ٶڭٸرلەرٸندە اكۋشەرلٸك-گينەكولوگييالىق كٶمەك كٶرسەتۋ ۇيىمدارى جۇمىس ٸستەيدٸ. الماتى قالاسىندا ورنالاسقان اكۋشەرلٸك, گينەكولوگييا جەنە پەريناتولوگييا عىلىمي ورتالىعى (اگجپعو) – قازاقستانداعى ەڭ ٸرٸ عىلىمي جەنە مەديتسينالىق مەكەمەلەردٸڭ بٸرٸ بولىپ تابىلادى. ورتالىق جٷكتٸ ەيەلدەرگە, بوسانعان انالارعا, گينەكولوگييالىق ناۋقاستارعا جەنە جاڭا تۋعان نەرەستەلەرگە جوعارى مامانداندىرىلعان اكۋشەرلٸك-گينەكولوگييالىق كٶمەك كٶرسەتەدٸ. ورتالىقتا جىل سايىن 7 مىڭنان استام قاۋٸپتٸلٸگٸ جوعارى جٷكتٸ ەيەلدەر مەن گينەكولوگييالىق ناۋقاستارعا جوعارى مامانداندىرىلعان اكۋشەرلٸك-گينەكولوگييالىق كٶمەك كٶرسەتٸلەدٸ. قابىلداۋدى پروفەسسورلار, مەديتسينا عىلىمدارىنىڭ دوكتورلارى, مەديتسينا عىلىمدارىنىڭ كانديداتتارى, جوعارى بٸلٸكتٸلٸك ساناتى بار دەرٸگەرلەر جٷرگٸزەدٸ.
اتىراۋ وبلىستىق پەريناتالدىق ورتالىعى – جٷكتٸ ەيەلدەرگە, بوسانعان انالارعا, جاڭا تۋعان نەرەستەلەرگە جەنە گينەكولوگييالىق ناۋقاستارعا جوعارى مامانداندىرىلعان مەديتسينالىق كٶمەك كٶرسەتەتٸن مەكەمە. ورتالىقتا 250 تٶسەك-ورىنعا ارنالعان قۇرىلىم جۇمىس ٸستەيدٸ, ونىڭ ٸشٸندە جٷكتٸ ەيەلدەر پاتولوگيياسى بٶلٸمٸ – 60 تٶسەك-ورىن, بوسانعاننان كەيٸنگٸ بٶلٸم – 110 تٶسەك-ورىن, گينەكولوگييا بٶلٸمٸ – 35 تٶسەك-ورىن, جاڭا تۋعان نەرەستەلەر پاتولوگيياسى جەنە ەرتە كەزەڭدەگٸ كٷتٸم بٶلٸمٸ – 40 تٶسەك-ورىن (ونىڭ ٸشٸندە 2 تٶسەك-ورىن نەوناتالدىق حيرۋرگيياعا ارنالعان) بار. ال جاڭا تۋعان نەرەستەلەر رەانيماتسيياسى بٶلٸمٸ – 16 تٶسەك-ورىن, ەرەسەكتەرگە ارنالعان رەانيماتسييا جەنە ينتەنسيۆتٸ تەراپييا بٶلٸمٸ – 8 تٶسەك-ورىن, كٷندٸزگٸ ستاتسيونار جەنە رەابيليتاتسييا بٶلٸمٸ – 20 تٶسەك-ورىن بار. ورتالىقتا سونداي-اق مەديكو-گەنەتيكالىق كەڭەس بەرۋ كابينەتٸ جۇمىس ٸستەيدٸ.
اقتٶبە وبلىستىق پەريناتالدىق ورتالىعى – جوعارى مامانداندىرىلعان مەديتسينالىق مەكەمە. ونىڭ ٸشٸندە جٷكتٸلٸك پاتولوگيياسى بٶلٸمٸ جوعارى قاۋٸپتٸ جٷكتٸلٸكتەردٸ باقىلاۋ جەنە ەمدەسە, ەرەسەكتەر جان ساقتاۋ بٶلٸمٸ قاجەت بولعان جاعدايدا انا مەن بالانى جان ساقتاۋ قىزمەتٸن كٶرسەتەدٸ. ال گينەكولوگييا بٶلٸمٸ ەيەلدەر اۋرۋلارىن ەمدەۋ جەنە باقىلاسا, نەرەستەلەر پاتولوگيياسى بٶلٸمٸ جاڭا تۋعان نەرەستەلەرگە مەديتسينالىق كٶمەك كٶرسەتەدٸ. نەرەستە جان ساقتاۋ بٶلٸمٸ – شالا تۋىلعان نەمەسە اۋىر جاعدايداعى نەرەستەلەرگە رەانيماتسييالىق كٶمەك كٶرسەتسە, ەكۇ (ەكستراكورپورالدى ۇرىقتاندىرۋ) بٶلٸمٸ – بەدەۋلٸكتٸ ەمدەۋ جەنە رەپرودۋكتيۆتٸ تەحنولوگييالار, مەديتسينالىق-گەنەتيكالىق كەڭەس بەرۋ بٶلٸمٸ – تۇقىم قۋالايتىن اۋرۋلاردى انىقتاۋ جەنە كەڭەس بەرۋ قىزمەتٸن ۇسىنادى. سونداي-اق, ەرتە ارالاسۋ ورتالىعى 200 بالاعا وڭالتۋ شارالارىن ۇيىمداستىرا الادى. بۇل مەكەمەدە جىل سايىن 8200-گە دەيٸن نەرەستە تۋىلىپ, 13 000-نان استام پاتسينەت ەمدەلەدٸ. ال ەكۇ جاسالاتىن جىلدىق ورتاشا سانى – 130, 50-گە دەيٸن تۋا بٸتكەن سىرقاتى بار نەرەستەلەرگە جاسالاتىن وپەراتسييالار جاسالادى. ال «بٸر كٷندٸك كلينيكا» جوباسى اياسىندا تەكسەرٸلگەن ەيەلدەر سانى 6 000-نان اسادى.
شىمكەنت قالالىق پەريناتالدىق ورتالىعى جٷكتٸ ەيەلدەرگە, بوساناتىن انالارعا, جاڭا تۋعان نەرەستەلەرگە جەنە گينەكولوگييالىق ناۋقاستارعا جوعارى مامانداندىرىلعان مەديتسينالىق كٶمەك كٶرسەتەدٸ. ورتالىقتا 165 تٶسەك-ورىندىق ستاتسيونار جەنە 34 ۆەدومستۆودان تىس تٶسەك-ورىن بار. ورتالىقتا سونداي-اق امبۋلاتورلىق-ەمحانالىق قىزمەتتەر, زەرتحانالىق دياگنوستيكا, ۋلترادىبىستىق زەرتتەۋ, انەستەزيولوگييا جەنە رەانيماتسييا قىزمەتتەرٸ كٶرسەتٸلەدٸ. بارلىق قىزمەتتەر قر دەنساۋلىق ساقتاۋ مينيسترلٸگٸنٸڭ ستاندارتتارىنا سەيكەس جٷزەگە اسىرىلادى.
باتىس قازاقستان وبلىستىق پەريناتالدىق ورتالىعى انا مەن بالا دەنساۋلىعىن قورعاۋعا باعىتتالعان جوعارى مامانداندىرىلعان مەديتسينالىق مەكەمە. ورتالىقتا كەلەسٸ بٶلٸمدەر جۇمىس ٸستەيدٸ: جٷكتٸلٸك پاتولوگيياسى بٶلٸمٸ, بوسانۋ بٶلٸمٸ, وتا جاساۋ بٶلٸمٸ, بوسانۋدان كەيٸنگٸ اكۋشەرلٸك بٶلٸمدەر, انەستەزيولوگييا-رەانيماتولوگييا جەنە قارقىندى تەراپييا بٶلٸمٸ, نەرەستەلەر ينتەنسيۆتٸ تەراپييا جەنە رەانيماتسييا بٶلٸمٸ, نەرەستەلەر بٶلٸمٸ, نەرەستەلەر پاتولوگيياسى بٶلٸمٸ, گينەكولوگييا بٶلٸمٸ, كلينيكالىق جەنە باكتەريولوگييالىق زەرتحانالار جۇمىس ٸستەيدٸ. سونىمەن قاتار, ورتالىقتا مەديكو-گەنەتيكالىق ورتالىق, كٷندٸزگٸ ستاتسيونار جەنە ەيەلدەر كونسۋلتاتسيياسى قىزمەتتەرٸ ۇسىنىلادى.
ماڭعىستاۋ وبلىستىق پەريناتالدىق ورتالىعى – جوعارى مامانداندىرىلعان مەديتسينالىق مەكەمە. ورتالىقتا بارلىعى 530 قىزمەتكەر جۇمىس ٸستەيدٸ, ونىڭ ٸشٸندە 29 دەرٸگەر جەنە 277 ورتا بۋىندى مەديتسينالىق قىزمەتكەرلەر بار. ونىڭ ٸشٸندە 11 جوعارى ساناتتى دەرٸگەر, 15 بٸرٸنشٸ ساناتتى دەرٸگەر جەنە 3 ەكٸنشٸ ساناتتى دەرٸگەرلەر قىزمەت ەتەدٸ.
اقبوتا مۇسابەكقىزى
