ۇلتتىق ستاتيستيكا بيۋروسى حالىق ساناعىنىڭ نەگٸزگٸ كەزەڭٸ اياقتالعانىن, بٸراق ٷي-ٷيدٸ ارالاۋ جەنە ونلاين-ساناقتىڭ جالعاساتىنىن مەلٸمدەدٸ, دەپ حابارلايدى Sputnik قازاقستان.
"حالىق ساناعىنىڭ نەگٸزگٸ كەزەڭٸ اياقتالدى. 8 قاراشاعا دەيٸن ناقتىلاۋ شارالارى جٷرگٸزٸلەدٸ. Sanaq.gov.kz سايتىنداعى ونلاين-ساناق فۋنكتسيياسى دا سول ۋاقىتقا دەيٸن قولجەتٸمدٸ ەكەنٸن حابارلايمىز. ٸس-شاراعا قاتىسقان بارشاڭىزعا العىس ايتامىز!", - دەلٸنگەن رەسمي حابارلامادا.
ايتا كەتەرٸ, حالىق ساناعىنىڭ نەگٸزگٸ كەزەڭٸ 1 قىركٷيەكتە باستالىپ, 30 قازاندا اياقتالعان. باسىندا تەك ونلاين-ساناق جٷرگٸزٸلدٸ. ال بٸر ايدان كەيٸن ستاتيستيكا ماماندارى ٷي-ٷيدٸ ارالاپ, ساناق پاراقتارىن تولتىرا باستادى. بٸراق ولارعا ەسٸك اشپاعان ادامدار از ەمەس. سودان 21 قازاندا ونلاي-ساناق قىزمەتٸ قايتادان ٸسكە قوسىلدى.
27 قازاندا ۇلتتىق ستاتيستيكا بيۋروسى حالىقتى ساناقپەن قامتۋ كٶرسەتكٸشٸ 18 111 266 ادامعا نەمەسە 95,2%-كە جەتكەنٸن حابارلادى.
الماتى قالاسى جوسپاردى 108,2%-كە ورىنداپ, كٶش باستاپ تۇرعان. 1 تامىزداعى جاعداي بويىنشا مەگاپوليستە تۇراقتى تۇراتىنداردىڭ سانى 2 005 496 ادامدى قۇراعان. ونلاين ساناق پەن ينتەرۆيۋەرلەر جٷرگٸزگەن ساۋالنامانىڭ ارالىق نەتيجەسٸ قازٸرگٸ ۋاقىتتا قالادا 2 170 715 رەسپوندەنت بار ەكەنٸن كٶرسەتتٸ.
سول سيياقتى جامبىل (101,5%), الماتى (101,4%), تٷركٸستان (100,7%) وبلىستارى مەن شىمكەنت (100,6%) قالاسىندا ناقتى تۇراتىن حالىقتىڭ سانى كٶپ بولىپ شىقتى.
