Ulttyq statistika biýrosy halyq sanaǵynyń negizgi kezeńi aiaqtalǵanyn, biraq úi-úidi aralaý jáne onlain-sanaqtyń jalǵasatynyn málimdedi, dep habarlaidy Sputnik Qazaqstan.
"Halyq sanaǵynyń negizgi kezeńi aiaqtaldy. 8 qarashaǵa deiin naqtylaý sharalary júrgiziledi. Sanaq.gov.kz saityndaǵy onlain-sanaq fýnktsiiasy da sol ýaqytqa deiin qoljetimdi ekenin habarlaimyz. Is-sharaǵa qatysqan barshańyzǵa alǵys aitamyz!", - delingen resmi habarlamada.
Aita keteri, halyq sanaǵynyń negizgi kezeńi 1 qyrkúiekte bastalyp, 30 qazanda aiaqtalǵan. Basynda tek onlain-sanaq júrgizildi. Al bir aidan keiin statistika mamandary úi-úidi aralap, sanaq paraqtaryn toltyra bastady. Biraq olarǵa esik ashpaǵan adamdar az emes. Sodan 21 qazanda onlai-sanaq qyzmeti qaitadan iske qosyldy.
27 qazanda ulttyq statistika biýrosy halyqty sanaqpen qamtý kórsetkishi 18 111 266 adamǵa nemese 95,2%-ke jetkenin habarlady.
Almaty qalasy jospardy 108,2%-ke oryndap, kósh bastap turǵan. 1 tamyzdaǵy jaǵdai boiynsha megapoliste turaqty turatyndardyń sany 2 005 496 adamdy quraǵan. Onlain sanaq pen interviýerler júrgizgen saýalnamanyń aralyq nátijesi qazirgi ýaqytta qalada 2 170 715 respondent bar ekenin kórsetti.
Sol siiaqty Jambyl (101,5%), Almaty (101,4%), Túrkistan (100,7%) oblystary men Shymkent (100,6%) qalasynda naqty turatyn halyqtyń sany kóp bolyp shyqty.
