قازاقستاندىقتار مەسسەندجەردە حالىق ساناعىن جەلەۋ ەتٸپ, بەينەبايلانىس ارقىلى قوڭىراۋ شالىپ, ادامنىڭ بەتٸن سكانەرلەپ, ولاردىڭ اتىنا نەسيە الاتىن الاياقتار تۋرالى اۋديوجازبامەن بٶلٸسۋدە. ٸٸم باسپاسٶز قىزمەتٸ مۇنداي فاكتٸلەر تٸركەلمەگەنٸن حابارلادى. بۇل تۋرالى stopfake.kz سايتى حابارلادى.
قازاقستاندىقتار WhatsApp-تا تاراتقان حابارلامادا بٸر ەيەل شاحان, اقتاس جەنە قاراعاندىدا الاياقتاردان زارداپ شەككەن ٷش ادام تۋرالى ايتادى.
ونىڭ ايتۋىنشا, الاياقتار بەينەقوڭىراۋ شالىپ, بٸرنەشە سۇراق قويادى, وسى ۋاقىتتا ادامنىڭ بەتٸن سكانەرلەپ, ونىڭ اتىنا بٸرنەشە نەسيە الادى.
ٸٸم مۇنداي فاكتٸلەردٸڭ تٸركەلگەنٸ تۋرالى اقپاراتتى جوققا شىعاردى.
«قاراعاندى وبلىسىنىڭ پد ٶتٸپ جاتقان «قازاقستان رەسپۋبليكاسىنىڭ ۇلتتىق حالىق ساناعى – 2021» جەلەۋ ەتٸپ جاسالعان الاياقتىق ٸس-ەرەكەتتەر فاكتٸلەرٸ بويىنشا قىلمىستىق ٸستەر تٸركەلگەن جوق», – دەلٸنگەن StopFake.kz جولداعان ساۋالعا بەرٸلگەن جاۋاپتا.
سونىمەن قاتار, ٸٸم ٶكٸلدەرٸ قازاقستاندىقتاردى قاۋٸپسٸزدٸك شارالارىن ەستەن شىعارماۋعا شاقىرادى.
«ٸشكٸ ٸستەر مينيسترلٸگٸ ازاماتتاردىڭ نازارىن بانك شوتتارىنىڭ قورعالۋىن قامتاماسىز ەتۋ ٷشٸن قاراپايىم قاۋٸپسٸزدٸك شارالارىن ساقتاۋ قاجەت ەكەنٸنە اۋدارادى:
– پارولدەردٸ ٷنەمٸ ٶزگەرتٸپ وتىرىڭىزدار, ول كٷردەلٸ بولۋى تيٸس;
– تٶلەم جٷيەلەرٸندە بار بارلىق قاۋٸپسٸزدٸك جٷيەلەرٸن قوسۋ كەرەك: سمس راستاۋ, IP-مەكەن جايدى باقىلاۋ, 3D-secure جەنە ت.
ەگەر الاياقتاردىڭ قۇربانى بولعانىڭىزدى تٷسٸنسەڭٸز, بٸرٸنشٸ كەزەكتە بانككە حابارلاسىپ, الاياقتىق ەرەكەتتەر نەتيجەسٸندە بولعان اقشا قاراجاتىنىڭ قوزعالىسىنا بايلانىستى بارلىق وپەراتسييالاردى بۇعاتتاۋعا تىرىسىڭىز. الاياقتارمەن جٷرگٸزٸلگەن بارلىق حات-حابارلاردى, سونداي-اق ٶزٸڭٸزگە قاتىستى جاسالعان قىلمىستى اشۋعا ىقپال ەتەتٸن اقپاراتتى ساقتاڭىز. تۇرعىلىقتى جەرٸ بويىنشا پوليتسييا بٶلٸمشەسٸنە حابارلاسىڭىز.
سونىمەن قاتار, رەسمي اقپارات كٶزدەرٸنە عانا سەنٸڭٸزدەر» , – دەپ حابارلادى ۆەدومستۆودان.
