Qazaqstandyqtar messendjerde halyq sanaǵyn jeleý etip, beinebailanys arqyly qońyraý shalyp, adamnyń betin skanerlep, olardyń atyna nesie alatyn alaiaqtar týraly aýdiojazbamen bólisýde. IIM baspasóz qyzmeti mundai faktiler tirkelmegenin habarlady. Bul týraly stopfake.kz saity habarlady.
Qazaqstandyqtar WhatsApp-ta taratqan habarlamada bir áiel Shahan, Aqtas jáne Qaraǵandyda alaiaqtardan zardap shekken úsh adam týraly aitady.
Onyń aitýynsha, alaiaqtar beineqońyraý shalyp, birneshe suraq qoiady, osy ýaqytta adamnyń betin skanerlep, onyń atyna birneshe nesie alady.
IIM mundai faktilerdiń tirkelgeni týraly aqparatty joqqa shyǵardy.
«Qaraǵandy oblysynyń PD ótip jatqan «Qazaqstan Respýblikasynyń ulttyq halyq sanaǵy – 2021» jeleý etip jasalǵan alaiaqtyq is-áreketter faktileri boiynsha qylmystyq ister tirkelgen joq», – delingen StopFake.kz joldaǵan saýalǵa berilgen jaýapta.
Sonymen qatar, IIM ókilderi qazaqstandyqtardy qaýipsizdik sharalaryn esten shyǵarmaýǵa shaqyrady.
«Ishki ister ministrligi azamattardyń nazaryn bank shottarynyń qorǵalýyn qamtamasyz etý úshin qarapaiym qaýipsizdik sharalaryn saqtaý qajet ekenine aýdarady:
– parolderdi únemi ózgertip otyryńyzdar, ol kúrdeli bolýy tiis;
– tólem júielerinde bar barlyq qaýipsizdik júielerin qosý kerek: sms rastaý, IP-meken jaidy baqylaý, 3D-secure jáne t.
Eger alaiaqtardyń qurbany bolǵanyńyzdy túsinseńiz, birinshi kezekte bankke habarlasyp, alaiaqtyq áreketter nátijesinde bolǵan aqsha qarajatynyń qozǵalysyna bailanysty barlyq operatsiialardy buǵattaýǵa tyrysyńyz. Alaiaqtarmen júrgizilgen barlyq hat-habarlardy, sondai-aq ózińizge qatysty jasalǵan qylmysty ashýǵa yqpal etetin aqparatty saqtańyz. Turǵylyqty jeri boiynsha politsiia bólimshesine habarlasyńyz.
Sonymen qatar, resmi aqparat kózderine ǵana senińizder» , – dep habarlady vedomstvodan.
