حالقىمىز ەندٸگٸ نە ٸستەسە دە «جولداسى سابىر مەن اقىل» عانا بولۋى كەرەك. بۇل تۋرالى بٷگٸن «Nur Otan» پارتيياسىنىڭ كەزەكتەن تىس حح سەزٸن قورىتىندىلاعان قر تۇڭعىش پرەزيدەنتٸ - ەلباسى نۇرسۇلتان نازارباەۆ ايتتى, دەپ حابارلايدى قازاقپارات.
«پرەزيدەنت قاسىم-جومارت كەمەلۇلى توقاەۆ سايلاۋالدى باعدارلامانىڭ نەگٸزگٸ باعىتتارىنا توقتالدى. بٸز ونى تولىق جٷزەگە اسىرۋىمىز كەرەك. باعدارلامانى ورىنداۋ ارقىلى قيىندىقتاردى ەڭسەرٸپ قانا قويماي, حالىقتىڭ ٶمٸر سٷرۋ ساپاسىن ارتتىرىپ, ەلٸمٸزدٸڭ تابىستى دامۋىن قامتاماسىز ەتۋگە جول اشۋىمىز قاجەت. كەلەر جىلى ۇلان-بايتاق دالامىزدا تەۋەلسٸز مەملەكەت قۇرعانىمىزعا 30 جىل تولادى. بۇل - ٶتە قاسيەتتٸ كەزەڭ. اتا-بابامىزدىڭ قانىمەن, انالارىمىزدىڭ تەرٸمەن كەلگەن. سوندىقتان قولىمىزعا تٷسكەن وسى تەڭدەسٸ جوق التىندى الىپ جٷرۋ بٸزدٸڭ موينىمىزعا جٷكتەلگەن پارىز», - دەدٸ ەلباسى.
قر تۇڭعىش پرەزيدەنتٸ ٶتكەن عاسىردا حالقىمىز توعىز تٷرلٸ الاپاتتى باستان كەشٸرگەنٸن اتاپ ٶتتٸ. ەكٸنشٸ دٷنيەجٷزٸلٸك سوعىس, 2 زۇلمات اشارشىلىق, ۇلت-ازاتتىق قوزعالىستار, قۋعىن-سٷرگٸن جىلدارىندا 4 ملن ادام قىرشىن كەتٸپ, 1,5 ملن قازاق بوسقىنعا اينالىپ, شەت مەملەكەتتەرگە باس ساۋعالاعانىن باسا ايتتى.
«بۇل ۇلتىمىز ٷشٸن اۋىر قاسٸرەت. قاي حالىق وسىنداي قاسٸرەتتٸ باسىنان كەشٸرگەن ەكەن. سوعان قاراماستان حالقىمىز اتا-بابامىز قالدىرعان جەرٸندە ٶزٸنٸڭ مەملەكەتٸن قۇرىپ وتىر. ەلورداسىن ەلدٸڭ ورتاسىنا ەكەپ ورناتتىق. دٷنيەگە ەلٸمٸزدٸ پاش ەتتٸك. «تاعدىردىڭ تەزٸنەن, توزاقتىڭ ٶزٸنەن» ٶتٸپ, «مىڭ ٶلٸپ مىڭ تٸرٸلگەن», تەۋەلسٸزدٸكتٸڭ تەتتٸ دەمٸن سەزٸنگەن حالقىمىزدىڭ ەندٸگٸ نە ٸستەسە دە «جولداسى سابىر مەن اقىل» عانا بولۋى كەرەك», - دەدٸ نۇرسۇلتان نازارباەۆ.
.jpeg)