قازاقستاننىڭ ازاماتتىق اليانسىنىڭ پرەزيدەنتٸ بانۋ نۇرعازيەۆا رەفەرەندۋم تۋرالى پٸكٸر بٸلدٸردٸ, دەپ حابارلايدى "ۇلت اقپارات".
"بارلىق جەردە ادامدار رەفەرەندۋمعا سانالى تٷردە, كٶتەرٸڭكٸ كٶڭٸل-كٷيدە قاتىسۋدا. بۇل تۋرالى ٷەۇ چاتتارىندا دا جازادى. بارلىق ٶڭٸردە داۋىس بەرۋ قىزۋ جٷرٸپ جاتىر. رەفەرەندۋم كوميسسيياسى بارلىق مٷمكٸن بايلانىس ارنالارىنا سمس-حابارلامالار ارقىلى سايلاۋشىلارعا حابارلاۋدى ناقتى پىسىقتادى. مەن رەفەرەندۋمعا بٸرنەشە كٷن بۇرىن كاسپييدٸڭ پلاتفورماسىندا ٶزٸمنٸڭ سايلاۋ قۇقىعىمدى قاي ۋچاسكەدە جٷزەگە اسىرا الاتىنىم تۋرالى ەسكە سالۋدى كٶردٸم.
تاڭەرتەڭ سايلاۋ ۋچاسكەسٸنە كەلگەندە, مەنٸڭ قاسىمدا بالالارمەن, ارباداعى سەبيلەرمەن بٸرگە جاستار ٶز پٸكٸرلەرٸن بٸلدٸرۋگە كەلگەنٸن كٶرٸپ تاڭ قالدىم" - دەيدٸ نۇرعازيەۆا.
ونىڭ ايتۋىنشا, بۇل - ازاماتتىق جەتٸلۋدٸڭ كٶرسەتكٸشٸ.
"بارلىعى بٸر-بٸرٸن وسى ماڭىزدى وقيعامەن قۇتتىقتاپ جٷر. ادامدار رەفەرەندۋمعا, ەلدەگٸ دەموكراتييالىق ٶزگەرٸستەرگە دەگەن كٶزقاراسىن بٸلدٸرۋ مٷمكٸندٸگٸنە قۋانۋدا. ەرٸپتەستەرٸم, ٶڭٸرلەردٸڭ ٷكٸمەتتٸك ەمەس ۇيىمدارى اتاپ ٶتكەندەي, بارلىق جەردە دوستىق, جايلى كٶڭٸل كٷي ورنۋدا.
ولار قانداي دا بٸر سەبەپتەرمەن جولدا بولسا, شىن جٷرەكتەن الاڭداپ, كەشكٸ سەگٸزگە دەيٸن داۋىس بەرۋگە ۋاقىت بولادى دەپ ٷمٸتتەنەدٸ. مەنٸڭ تۋىستارىم رەفەرەندۋمعا قاتىسۋدىڭ ماڭىزدىلىعىن بٸرٸنشٸ رەت تالقىلاپ جاتقانىن كٶردٸم. حالقىمىز بٸرٸگٸپ, بولاشاققا قادام جاساعانداي سەزٸلەدٸ. بۇل كەرەمەت سەزٸم!" - دەپ جازدى ول.
