قازاقستان رەسپۋبليكاسى مەملەكەتتٸك ورتالىق مۋزەيٸنٸڭ ديرەكتورى نۇرسان ەلٸمباي 1916 جىلعى ۇلت ازاتتىق كٶتەرٸلٸسٸنٸڭ ۇيىمداستىرۋشىلارىنىڭ بٸرٸ كەيكٸ باتىردىڭ باس سٷيەگٸن زەرتحانالىق زەرتتەۋلەر جٷرگٸزۋ ٷشٸن استانادان الماتىعا جەتكٸزەدٸ. بۇل تۋرالى قوعام قايراتكەرٸ, ساياساتتانۋشى بەرٸك ەبدٸعاليۇلى فەيسبۋكتەگٸ پاراقشاسىندا جازدى, دەپ حابارلايدى "ۇلت اقپارات".
«نۇرسان (ەلٸمبەي) اعامىز كەيكٸ باتىردىڭ باس سٷيەگٸن الماتىعا الىپ كەتٸپ بارادى. اەروپورتتىڭ تەكسەرۋٸنەن ٶتتٸ (ۆيدەو). وتباسىمىزبەن باتىر مەن اعامىزدى شىعارىپ سالدىق. استانادان (ساعات) 22.30-دا ۇشادى. الماتى قارسى ال!», دەپ جازدى ساياساتتانۋشى.
بەرٸك ەبدٸعاليۇلىنىڭ سٶزٸنە قاراعاندا, انتروپولوگتەر باتىردىڭ بەت كەلبەتٸن جاساپ بولعاسىن, شامامەن 1-2 اي كٶلەمٸندە باس سٷيەك قوستاناي وبلىسىنىڭ امانگەلدٸ اۋدانىنداعى ارنايى سالىنعان مازارعا جەرلەنەدٸ.
ايتا كەتەيٸك, اعىمداعى جىلى مامىر ايىندا حالىق الدىندا ەسەپ بەرگەن قر مەدەنيەت جەنە سپورت مينيسترٸ ارىستانبەك مۇحامەديۇلى كەيكٸ باتىردىڭ باس قاڭقاسىن قايتارۋ بويىنشا اتقارىلىپ جاتقان جۇمىستار جايىندا ايتقان بولاتىن.
«بٸزدٸڭ سەرٸك اقىلباي (سەناتور – اۆت.) وسى مەسەلە بويىنشا جيٸ حابارلاسىپ وتىرادى. كەيكٸ باتىردىڭ باسى نە بولدى دەپ. مەن ٶزٸم وسى مەسەلەنٸ جٸتٸ باقىلاپ كەلەمٸن. اپتاسىنا بٸر رەت رەسەي جاققا ٶز حاتىمدى جٸبەرٸپ وتىرامىن. شىنىن ايتۋ كەرەك, وتانداستارىمىزدىڭ وسى جۇمىس بويىنشا بٸزدٸ بەلسەندٸ ەرەكەت ەتۋگە ىقپال جاساپ وتىرعاندارى قۋانتادى. جاقىن ارادا بۇل مەسەلەنٸ شەشەمٸز دەپ ويلايمىن. سەبەبٸ رەسەي جاقتان كەلٸسٸم كەلدٸ. وعان قوسا, الماتىداعى ورتالىق مەملەكەتتٸك مۋزەي ديرەكتورى نۇرسان ەلٸمباي سيياقتى عالىمدارىمىز ەكسپەديتسيياعا بارىپ, نۋمەراتسيياسىن, بارلىق مۇراعات مەلٸمەتتەرٸن تاپتى. ەندٸ, تەحنيكالىق پروتسەدۋرالار قالىپ وتىر. مەن ونىڭ ناقتى ۋاقىتىن ايتا المايمىن. مەن ويلايمىن, بەلسەندٸ ەرٸپتەستٸك قارىم-قاتىناستىڭ ارقاسىندا بٸز اتالعان ارتەفاكتٸنٸ تەزدەتٸپ قايتارا الامىز», - دەيدٸ ا.مۇحامەديۇلى.
.jpeg)