فوتو: pixabay.com
قازاقستاندا كەيٸنگٸ 6 جىلدا 800 بالا سەكسۋالدى زورلىق كٶرگەن. بۇل تۋرالى "نەمولچي" قوعامدىق قورى ٶتكٸزگەن ٸس-شارادا ايتىلدى, دەپ حابارلايدى Sputnik قازاقستان.
قوعامدىق قور بەلسەندٸلەرٸنٸڭ ايتۋىنشا, تٸركەلگەن ەربٸر بەس ٸستٸڭ ەكەۋٸ عانا سوتقا جەتكەن. بالاسى سەكسۋالدى زورلىق كٶرگەن اتا-انالار ەدٸلەتتٸلٸككە جەتە المايدى. ٸس-شاراعا جينالعان اتا-انالار قۇقىق قورعاۋ ورگاندارى ٶز مٸندەتٸن دۇرىس اتقارمايدى دەيدٸ.
"2022 جىلى تامىزدا بۋراباي اۋدانىنداعى "ميروتۆورەتس" بالالار لاگەرٸندە مەنٸڭ بالاما ەكٸ رەت سەكسۋالدى زورلىق جاسالعان. لاگەر باسشىلىعى بۇل جاعدايدى ماعان ايتپاعان. سوتقا دەيٸنگٸ تەرگەۋ كەزٸندە قۇقىق قورعاۋ ورگاندارى تاراپىنان كٶپتەگەن زاڭبۇزۋشىلىق بولدى", - دەيدٸ جەبٸرلەنۋشٸنٸڭ اناسى.
ال الماتى وبلىسىندا 10 جاستاعى بالادان جەبٸر كٶرگەن 7 جاستاعى بالانىڭ اناسى ايمان دا ەلٸ كٷنگە ەدٸلەتتٸلٸككە جەتە الماي جٷرگەنٸن ايتادى.
"سوت جەبٸر كٶرسەتكەن وقۋشىنى ارنايى مەكتەپكە ورنالاستىرۋ تۋرالى شەشٸم شىعارۋدان باس تارتتى. سوت وتىرىسى اشىق بولا تۇرا بٸزدٸ قاتىستىرمادى. مەنٸڭ بالاما سەكسۋالدى زورلىق كٶرسەتكەن وقۋشىنىڭ اتا-اناسىنا 20 اەك كٶلەمٸندە ايىپپۇل سالدى, سونىمەن ٸس بٸتتٸ. زورلىق جاساعان بالا جاسى 11-دە بولعاندىقتان ەش قىلمىستىق ٸس قوزعالمايدى. سايىپ كەلگەندە بٸزدٸڭ قۇقىمىزدى قۇقىق قورعاۋ ورگاندارى تاپتاپ وتىر", - دەيدٸ جەبٸرلەنۋشٸنٸڭ اناسى ايمان.
ال بالالاردىڭ قۇقىن قورعاۋشى ادۆوكاتتاردىڭ ايتۋىنشا, قۇقىق قورعاۋشىلار ٸستٸ تەزدەتٸپ جابۋعا اسىعادى.
"سۋيتسيد دەپ قۇقىق قورعاۋ ورگاندارى قۇتىلا سالعاندى جٶن كٶرەدٸ, تەزٸرەك ٸستٸ جاپقىسى كەلەدٸ. "ٶز-ٶزٸنە قول جۇمساۋعا دەيٸن جەتكٸزۋ" دەگەن باپتى جاپپاي قولدانا بەرەدٸ. بالاسىنىڭ قۇقى تاپتالعان اتا-انا ٸستٸ اياعىنا دەيٸن جەتكٸزۋ كەرەك", - دەيدٸ جەبٸرلەنۋشٸلەردٸڭ بٸرٸنٸڭ ادۆوكاتى سايدا سٷلەيمەنوۆا.
ادۆوكاتتار مەن اتا-انالاردىڭ ايتۋىنشا, سوت مەديتسينالىق ساراپتاما دا ساپاسىز, اتٷستٸ جاسالادى.
"مەملەكەتتٸك سوت ساراپتاماسىنىڭ ساپاسى تٶمەن. ال جەكەمەنشٸك ساراپتاما شەشٸمٸنٸڭ قازاقستاندا ەش مەرتەبەسٸ جوق. قازاقستانداعى قۇقىق قورعاۋ ورگاندارىندا ٶز ٸسٸن بٸلمەيتٸن پوليتسييا مەن تەرگەۋشٸلەر جۇمىس ٸستەيدٸ", - دەيدٸ ەكٸ بٸردەي جەبٸرلەنۋشٸنٸڭ ادۆوكاتى روزا كيم.
"نەمولچي" قورى ٶتكٸزگەن جيىننىڭ ماقساتى – قازاقستانداعى بالا قۇقىن تاپتايتىنداردىڭ جولىن كەسۋ, توقتاتۋ. الايدا ٸس-شاراعا قۇقىق قورعاۋ ورگاندارىنان ارنايى شاقىرتىلعان بٸر دە بٸر جاۋاپتى مامان كەلمەدٸ. ال جينالعاندار سەكسۋالدى زورلىق-زومبىلىققا قاتىستى زاڭ قاتاڭ بولمايىنشا, دابىل قاققاندارىن توقتاتپايتىنىن ايتتى.
