ەلٸمٸزدەگٸ كەيبٸر جوعارى وقۋ ورىندارى مەملەكەت باسشىسىنىڭ وقىتۋشىلار جالاقىسىن كٶتەرۋ تاپسىرماسىن ورىنداماي وتىر. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى "ۇلت اقپارات".
«جالاقىنى 25 پايىزعا ٶسٸرۋ تاپسىرماسى بولعان ەدٸ. ۋنيۆەرسيتەتتەردٸڭ باسىم كٶپشٸلٸگٸ بۇل تاپسىرمانى دۇرىس دەڭگەيدە ورىندادى. كەيبٸر ۋنيۆەرسيتەت تولىق ورىنداماعان. وسى ۋنيۆەرسيتەتتەردٸڭ ديرەكتورلار كەڭەسٸ تٶراعالارىنا تاپسىرما بەرەمٸن. الدىمىزداعى ەڭ بٸرٸنشٸ ديرەكتورلار كەڭەسٸنٸڭ وتىرىسىندا قاراپ, تيٸستٸ شەشٸم قابىلداپ, بۇل مەسەلەنٸ جابۋ كەرەك. ەسٸرەسە پەداگوگيكالىق باعىتتا بٸلٸم بەرەتٸن ۋنيۆەرسيتەتتەر. پەداگوگيكالىق ۋنيۆەرسيتەتتەردە جالاقىنىڭ ٶسۋٸ باسقا ۋنيۆەرسيتتەرمەن قاراعاندا ەلدە قايدا كٶبٸرەك بولۋى تيٸس. نەگە? ٶيتكەنٸ, پرەزيدەنتتٸڭ تاپسىرماسى بويىنشا وسى پەداگوگيكالىق ۋنيۆەرسيتەتتەردە وقۋ قۇنى, بيۋدجەتتەن بەرٸلٸپ وتىرعان گرانتىڭ قۇنى باسقا ۋنيۆەرسيتەتتەرمەن سالىستىرعاندا كٶبٸرەك», - دەدٸ اسحات ايماعامبەتوۆ مينيسترلٸكتٸڭ اپپارات كەڭەسٸندە.
مينيستردٸڭ ايتۋىنشا, بۇل ٶز كەزەگٸندە پەداگوگيكالىق ماماندىقتار بويىنشا جالاقىنىڭ ٶسۋٸنە مٷمكٸندٸك بەرەدٸ.
«مۇنى دا دۇرىس تٷسٸندٸرۋٸمٸز كەرەك. جالپى پەداگوگ مەرتەبەسٸ بويىنشا دا جالاقىنىڭ قازٸرگٸ ۋاقىتتا ٶسكەنٸ بەرٸنە بەلگٸلٸ. قاڭتار ايىنان باستاپ 25 پايىزعا ارتتى. قىركٷيەك ايىندا دا جالاقىنىڭ بٸراز ٶسٸمٸ ورىن الدى. كەلەسٸ جىلى قاڭتاردا دا كٶتەرٸلەدٸ. مۇنىڭ بارلىعى پرەزيدەنت تاپسىرماسىنىڭ اياسىندا ورىن الىپ جاتىر. بۇل بٸلٸم باسقارماسىنا ەلدە مينيسترلٸككە نە باسقا تۇلعالارعا بايلانىستى مەسەلە ەمەس. مەملەكەت باسشىسى الدىڭعى جىلى تامىز كەڭەسٸندە بەرگەن تاپسىرماسى اياسىندا بيۋدجەتتەن قىراۋار قاراجات بٶلٸنٸپ جاتىر», - دەدٸ ول.
