بۇۇ قاۋٸپسٸزدٸك كەڭەسٸ رەسەيدٸڭ كەرچ بۇعازىنداعى جاعدايدى كٷن تەرتٸبٸنە شىعارۋ ۇسىنىسىن قابىلداماي تاستادى. 26 قاراشادا ٶتكەن شۇعىل جيىندا قاۋٸپسٸزدٸك كەڭەسٸ مٷشەلەرٸنٸڭ كٶبٸ رەسەيدٸڭ "ۋكراينا ەسكەري-تەڭٸز كٷشتەرٸنٸڭ رەسەي شەكاراسىن بۇزعانى تۋرالى" مەسەلەنٸ تالقىلاۋ ۇسىنىسىن قولدامادى, دەپ حابارلايدى "ۇلت اقپارات" ازاتتىق اگەنتتٸگٸنە سٸلتەمە جاساپ.
Deutsche Welle اگەنتتٸگٸنٸڭ حابارلاۋىنشا, رەسەي ۇسىنىسىن كەڭەستٸڭ تۇراقتى مٷشەسٸ قىتاي جەنە قازاقستان مەن بوليۆييا عانا قولدادى. تٶرت ەل قالىس قالىپ, جەتٸ ەل قارسى داۋىس بەردٸ.
رەسەيدٸڭ بۇۇ-داعى ەلشٸسٸنٸڭ ورىنباسارى دميتريي پوليانسكيي مەسكەۋ "ازوۆ تەڭٸزٸندەگٸ جاعداي شيەلەنٸسٸپ, ۋشىعا باستاعانىنا بايلانىستى" قاۋٸپسٸزدٸك كەڭەسٸنٸڭ شۇعىل جيىنىن ٶتكٸزۋدٸ سۇراعانىن ايتتى. پوليانسكييدٸڭ سٶزٸنشە, قاراشانىڭ 25-ٸ كٷنٸ كەرچ بۇعازىندا بولعان جانجالدا رەسەي ٶز شەكاراسىن "قورعاپ قالعان". رەسەي ەلشٸسٸ ۋكراينا "ازوۆ تەڭٸزٸ ەسكەري ايماققا اينالىپ بارا جاتىر" دەگەن مەسەلەنٸ "اقش-تىڭ قولداۋىمەن شيەلەنٸستٸرٸپ وتىرعانىن" ايتتى. ول سونىمەن قاتار رەسەي ۇستاعان كەمەلەردٸڭ بٸرٸندە "ۋكراينا قاۋٸپسٸزدٸك قىزمەتٸنٸڭ ەكٸ قىزمەتكەرٸ بولعانىن" مەلٸمدەدٸ.
ال ۋكراينا رەسەيدٸڭ بۇۇ-دا كەرچ بۇعازىنداعى جانجالدىڭ مەنٸن بۇرمالاپ وتىر دەپ ايىپتادى. ۋكراينانىڭ بۇۇ-داعى ٶكٸلٸ ۆلاديمير ەلچەنكو رەسەي ٶكٸلٸنٸڭ مەلٸمدەمەسٸن "ارسىز تٷردە فاكتٸنٸ ەدەيٸ بۇرمالاپ, بارلىق جاۋاپكەرشٸلٸكتٸ ۋكرايناعا ارتا سالۋ ەرەكەتٸ" دەپ اتادى. ەلچەنكو ۋكراين ەسكەريلەرٸ كەرچ بۇعازىنان كەمەلەرٸن ٶتكٸزۋگە ەكٸ رەت رۇقسات سۇراعانىن ايتتى.
جيىندا اقش ەلشٸسٸ نيككي حەيلي اقش, نيدەرلاند, پولشا جەنە شۆەتسييانىڭ اتىنان مەلٸمدەمە جاساپ, رەسەي كٶتەرگەن مەسەلەمەن كەلٸسپەيتٸنٸن ايتتى.
25 قاراشا كٷنٸ تاڭەرتەڭ كەرچ بۇعازىندا رەسەي ەسكەريلەرٸ ۋكراين كەمەلەرٸن اتقىلاپ, ۇستاپ ەكەتكەن. بٸرنەشە ەسكەري جارالانعان. رەسەي ۋكراين كەمەلەرٸن تەرريتوريياسىنا "زاڭسىز كٸردٸ" دەپ ايىپتاسا, ۋكراينا كەمەلەردٸڭ بۇل اۋماقتان ٶتەتٸنٸ "الدىن-الا ەسكەرتٸلگەنٸن" ايتىپ, رەسەي ەرەكەتٸن "باسسىزدىق" دەپ اتاعان.
ۋكراينا پارلامەنتٸ جانجالعا بايلانىستى 28 قاراشادان باستاپ ەلدٸڭ بٸرقاتار ايماعىندا 30 كٷنگە ەسكەري جاعداي جارييالاۋدى ماقۇلدادى.
باتىس ەلدەرٸنٸڭ باسشىلارى رەسەيدٸ ايىپتاپ, ۋكراينالىق تەڭٸزشٸلەر مەن كەمەلەردٸ بوساتۋعا شاقىردى. ەۋروپا كەڭەسٸنٸڭ تٶراعاسى دونالد تۋسك رەسەيدٸڭ كٷش قولدانعانىن ايىپتاپ, ەۋروپا وداعىنىڭ ۋكراينانى قولدايتىنىن مەلٸمدەدٸ.
قازاقستان بۇۇ-دا ۋكراينا شىعىسىنداعى رەسەيشٸل سەپاراتيستەر باقىلايتىن ايماقتارعا جەنە رەسەي اننەكسييالاپ العان قىرىم تٷبەگٸندەگٸ جاعدايعا قاتىستى قارارلارعا قارسى داۋىس بەرٸپ, رەسەيدٸ قولداپ كەلەدٸ.
حالىقارالىق ۇيىمدار قىرىم اننەكسيياسىن زاڭسىز دەپ تانىپ, رەسەي ەرەكەتٸن ايىپتايدى. باتىس ەلدەرٸ رەسەيگە وسىعان بايلانىستى سانكتسييا سالدى. رەسەي تٷبەكتٸ جاۋلاپ العانىن جوققا شىعارادى جەنە "تاريحي ەدٸلدٸك ورنادى" دەپ سانايدى.
