قر ۇلتتىق مۋزەي ديرەكتورى ارىستانبەك مۇحامەديۇلى كەنەسارى حاننىڭ باس سٷيەگٸن ٸزدەۋ جۇمىستارى جٶنٸندە پٸكٸر بٸلدٸردٸ, دەپ حابارلايدى قازاقپارات.
«بۇل ٸستٸ اياعىنا دەيٸن جەتكٸزۋ كەرەك. قازٸر جان-جاقتى زەرتتەلٸپ جاتىر, ول ٶتە دۇرىس. مۇنداي تاريحي قادامدى اسىعىس جاساۋعا بولمايدى. بٸزدە ودان باسقا دا شەتەلدەردە ارتەفاكتٸلەرٸمٸز بار. مەسەلەن, بەرٸك ەبدٸعاليۇلىمەن سانكت-پەتەربۋرگكە بارعاندا كەنەسارى حاننىڭ بەلبەۋٸن كٶردٸك. ونىڭ مىلتىعى ومبى مۋزەيٸندە تۇر. ەكٸ جاقتى كەزدەسۋ جٷرگٸزٸپ, مۇنداي قاسيەتتٸ دٷنيەلەردٸ قازاقستانعا ەكەلۋگە مٷمكٸنشٸلٸك بار. بٸراق ول - بٸركٷندٸك دٷنيە ەمەس», - دەدٸ مۇحامەديۇلى «ۇلى دالانىڭ جەتٸ قىرى: سٸبٸر ۇلىسى جەنە تايبۇعا قازاقستان تاريحىندا» اتتى عىلىمي-پراكتيكالىق كونفەرەنتسييادا تٸلشٸلەرگە بەرگەن سۇحباتىندا.
مۋزەي ديرەكتورى بۇل مەسەلەدە اسىعىس قادام جاساماۋدىڭ ماڭىزدى ەكەنٸن باسا ايتتى.
«قازٸرگٸ ۋاقىتتا بۇل مەسەلە تەرەڭ زەرتتەلٸپ جاتىر. مۇنداي قادامدى جاساپ جاتقان قازاقستان عانا. كەيكٸ باتىردىڭ باس سٷيەگٸن الىپ كەلگەندە ول تٸزٸم ٸشٸندە باسقا مەملەكەتتەردٸڭ حاندارىنىڭ, باتىرلارىنىڭ باس سٷيەكتەرٸ جاتتى. بٸراق, ونى قايتارام دەپ جٷرگەن ەش مەملەكەتتٸ كٶرمەدٸك. ەرينە, قازاق حالقى ٶز تاريحىنا قۇرمەتپەن قارايدى, ٶز قۇندىلىعىن قاستەرلەيدٸ. بٸراق, بۇل مەسەلەدە اسىعۋدىڭ كەرەگٸ جوق, سەنساتسييا ٷشٸن جالعان دٷنيەلەر جارييالانىپ كەتسە, ٶزگە ەلدەردٸڭ الدىندا ىڭعايسىز بولادى» , - دەدٸ ارىستانبەك مۇحامەديۇلى.
ايتا كەتەيٸك, 30 ماۋسىم كٷنٸ نۇرسۇلتان نازارباەۆ رەسەي فەدەراتسيياسىنىڭ پرەزيدەنتٸ ۆلاديمير پۋتينمەن كەلٸسسٶز جٷرگٸزدٸ. كەلٸسسٶز اياسىندا تالقىلانعان مەسەلەنٸڭ بٸرٸ – كەنەسارى حاننىڭ سٷيەگٸن ٸزدەستٸرۋ جەنە ونى قازاقستانعا قايتارۋ تاقىرىبى بولدى. نازارباەۆ رەسەي پرەزيدەنتٸنەن وسى پروتسەسكە كٶمەك كٶرسەتۋٸن سۇرادى. ەلباسى قازاقتىڭ سوڭعى حانىنىڭ سٷيەگٸ ٶزٸنٸڭ تۋعان جەرٸندە جەرلەنٸپ, رۋحىنىڭ تىنىش تابۋى قازاق حالقى ٷشٸن اسا ماڭىزدى مەسەلە ەكەنٸن ايرىقشا اتاپ ٶتتٸ. ۆلاديمير پۋتين رەسەي تاراپىنىڭ بۇل مەسەلەدە جان-جاقتى كٶمەك كٶرسەتەتٸنٸنە سەندٸردٸ. پۋتيننٸڭ سٶزٸنە قاراعاندا, ارتەفاكت تابىلادى جەنە قازاقستان حالقىنا قايتارىلادى.
