قر اقپارات جەنە قوعامدىق دامۋ مينيسترٸنٸڭ ورىنباسارى كەمەلبەك ويشىباەۆ ەلوردادا ٶتٸپ جاتقان بۇقارالىق مەديانى زاڭنامالىق رەتتەۋ تۋرالى كونفەرەنتسييادا جۋرناليستٸك زەرتتەۋلەردٸڭ ساپاسىن ارتتىرۋ ٷشٸن قابىلداناتىن زاڭنامالىق ٶزگەرٸستەردٸ اتادى, دەپ حابارلايدى قازاقپارات.
«مينيسترلٸك ٷشٸن باسىمدىقتاردىڭ ماڭىزدى بلوگى جۋرناليستەردٸڭ قۇقىقتارىن قورعاۋ بولىپ قالا بەرەدٸ. بۇل باعىتتا دا بٸرقاتار ۇسىنىستار ەزٸرلەنۋدە. مىسالى, جۋرناليست ٶز قىزمەتٸن سوعىس قيمىلدارى, قارۋلى قاقتىعىستار, تٶتەنشە جاعداي سيياقتى ەرەكشە جاعدايلاردا جٷزەگە اسىرعان جاعدايدا وعان قۇقىقتىق كەپٸلدٸكتەردٸ بەكٸتۋ ۇسىنىلادى», - دەگەن ۆيتسە-مينيسترٸ پاندەمييا كەزەڭٸ جۋرناليستەردٸڭ قاۋٸپتٸ ايماقتىڭ العى شەبٸندە جٷرەتٸنٸن كٶرسەتكەنٸن ەسكە سالدى.
«سونداي-اق, اقپاراتتىڭ قۇپييالىلىعىن قامتاماسىز ەتۋ شارالارىن زاڭنامالىق دەڭگەيدە بەكتٸۋدٸ ۇسىنامىز. اتاپ ايتقاندا, جۋرناليست العان اقپاراتتى قۇپييا ساقتاۋ شارتىمەن جۋرناليستٸڭ جارييالاماۋ قۇقىعىن قاراستىرۋ ۇسىنىلادى. قۇپييا كٶز تەك سوتتىڭ تالابى بويىنشا اشىلاتىنىن كٶزدەۋ قاجەت دەپ ەسەپتەيمٸز. باسقا جاعدايدا ەشقانداي ورگان دەرەككٶزدٸ اشۋدى جۋرناليستەن تالاپ ەتە الماۋى كەرەك. بۇل ەلٸمٸزدە جۋرناليستٸك زەرتتەۋلەردٸڭ ساپاسىن ارتتىرىپ, وسى باعىتتى دامىتادى دەپ ويلايمىن», -دەدٸ مينيستردٸڭ ورىنباسارى.
