QR Aqparat jáne qoǵamdyq damý ministriniń orynbasary Kemelbek Oishybaev elordada ótip jatqan buqaralyq mediany zańnamalyq retteý týraly konferentsiiada jýrnalistik zertteýlerdiń sapasyn arttyrý úshin qabyldanatyn zańnamalyq ózgeristerdi atady, dep habarlaidy QazAqparat.
«Ministrlik úshin basymdyqtardyń mańyzdy blogy jýrnalisterdiń quqyqtaryn qorǵaý bolyp qala beredi. Bul baǵytta da birqatar usynystar ázirlenýde. Mysaly, jýrnalist óz qyzmetin soǵys qimyldary, qarýly qaqtyǵystar, tótenshe jaǵdai siiaqty erekshe jaǵdailarda júzege asyrǵan jaǵdaida oǵan quqyqtyq kepildikterdi bekitý usynylady», - degen vitse-ministri pandemiia kezeńi jýrnalisterdiń qaýipti aimaqtyń alǵy shebinde júretinin kórsetkenin eske saldy.
«Sondai-aq, aqparattyń qupiialylyǵyn qamtamasyz etý sharalaryn zańnamalyq deńgeide bektiýdi usynamyz. Atap aitqanda, jýrnalist alǵan aqparatty qupiia saqtaý shartymen jýrnalistiń jariialamaý quqyǵyn qarastyrý usynylady. Qupiia kóz tek sottyń talaby boiynsha ashylatynyn kózdeý qajet dep esepteimiz. Basqa jaǵdaida eshqandai organ derekkózdi ashýdy jýrnalisten talap ete almaýy kerek. Bul elimizde jýrnalistik zertteýlerdiń sapasyn arttyryp, osy baǵytty damytady dep oilaimyn», -dedi ministrdiń orynbasary.
