2022 جىلدىڭ كٶكتەمٸندە تۇرعىن ٷي 20%-30% قىمباتتايدى. قازاقستان قۇرىلىسشىلار وداعىنىڭ باسشىسى تالعات ەرعاليەۆ باق ٶكٸلدەرٸنە وسىنداي بولجام ايتتى, دەپ حابارلايدى قازاقپارات.
«قۇرىلىستىڭ قۇنىن ارزانداۋ تۋرالى ايتساق, 2014-2015 جىلدارى ٷشٸنشٸ-تٶرتٸنشٸ كلاستى تۇرعىن ٷيدٸڭ شارشى مەترٸ 1,5-2 مىڭ دوللارعا ساتىلسا, قازٸر ولار 750 دوللارعا ٶتٸپ جاتىر. بٸر سٶزبەن ايتقاندا قۇرلىسكومپانييالارى سالعان ٷيٸنٸڭ ٶزٸندٸك قۇنىن عانا اقتاپ جاتىر. باسپانا تاپشىلىعىنىڭ قالىپتاسۋىنا قۇرىلىس كومپانييالارى كٸنەلٸ ەمەس. بٷگٸندە قۇرىلىستىڭ ٶزٸ 35%-40% قىمباتتادى. ماتەريالدار 60% -دان 90%-عا دەيٸن شارىقتاپ كەتتٸ», - دەدٸ تالعات ەرعاليەۆ باق ٶكٸلدەرٸنە.
ونىڭ ايتۋىنشا, قۇرىلىس قۇنى 15% - عا عانا كٶتەرٸلگەن.
«قيسىنعا سالىپ قاراساڭىز, قۇرىلىستىڭ ٶزٸ 35%-40% قىمباتتاسا, شارشى مەتردٸڭ قۇنى بار بولعانى 15%-عا قىمباتتاعاننىڭ ٶزٸندە باعانىڭ ٶسٸپ كەتكەنٸن كٶرەمٸز. كوممەرتسييالىق تۇرعىن ٷي سالۋشىلار باعانى بٸر تٷندە كٶتەرٸپ جاتقان جوق. ولار باعانى بٸرتٸندەپ, باياۋ كٶتەرەدٸ. 2022 جىلدىڭ كٶكتەمٸندە باسپانا باعاسى 20%-30% ٶسەدٸ دەپ توپشىلاپ وتىرمىز. بٸز مۇنى ناقتى بيىلعى جتالداۋعا عانا سٷيەنٸپ ايتىپ تۇرعان جوقپىز. بۇل قۇرىلىستىڭ بارلىق كەزەڭٸن تالداۋ ارقىلى الىنعان بولجام», - دەدٸ تالعات ەرعاليەۆ.
