2022 jyldyń kókteminde turǵyn úi 20%-30% qymbattaidy. Qazaqstan Qurylysshylar odaǵynyń basshysy Talǵat Erǵaliev BAQ ókilderine osyndai boljam aitty, dep habarlaidy QazAqparat.
«Qurylystyń qunyn arzandaý týraly aitsaq, 2014-2015 jyldary úshinshi-tórtinshi klasty turǵyn úidiń sharshy metri 1,5-2 myń dollarǵa satylsa, qazir olar 750 dollarǵa ótip jatyr. Bir sózben aitqanda qurlyskompaniialary salǵan úiiniń ózindik qunyn ǵana aqtap jatyr. Baspana tapshylyǵynyń qalyptasýyna qurylys kompaniialary kináli emes. Búginde qurylystyń ózi 35%-40% qymbattady. Materialdar 60% -dan 90%-ǵa deiin sharyqtap ketti», - dedi Talǵat Erǵaliev BAQ ókilderine.
Onyń aitýynsha, qurylys quny 15% - ǵa ǵana kóterilgen.
«Qisynǵa salyp qarasańyz, qurylystyń ózi 35%-40% qymbattasa, sharshy metrdiń quny bar bolǵany 15%-ǵa qymbattaǵannyń ózinde baǵanyń ósip ketkenin kóremiz. Kommertsiialyq turǵyn úi salýshylar baǵany bir túnde kóterip jatqan joq. Olar baǵany birtindep, baiaý kóteredi. 2022 jyldyń kókteminde baspana baǵasy 20%-30% ósedi dep topshylap otyrmyz. Biz muny naqty biylǵy jtaldaýǵa ǵana súienip aityp turǵan joqpyz. Bul qurylystyń barlyq kezeńin taldaý arqyly alynǵan boljam», - dedi Talǵat Erǵaliev.
