فوتو: كازتسينك
ٶسكەمەندەگٸ «قازتسينك» كەسٸپورنىندا بولعان جارىلىستان زارداپ شەككەندەردٸڭ بٸرٸ سانيتارلىق اۆياتسييا ارقىلى استاناعا جەتكٸزٸلمەك, دەپ حابارلايدى Ult.kz.
شىعىس قازاقستان وبلىسى دەنساۋلىق ساقتاۋ باسقارماسىنىڭ مەلٸمەتٸنشە, رەسپۋبليكالىق دەڭگەيدەگٸ ماماندار وبلىستىق مامانداندىرىلعان مەديتسينالىق ورتالىقتا ەم الىپ جاتقان ناۋقاستاردى تەكسەرگەن.
دەرٸگەرلەر 1983 جىلى تۋعان ەر ادامعا بەل ومىرتقاسىنىڭ ٷشٸنشٸ ومىرتقاسى سىنعان دەگەن دياگنوز قويعان. ماماندار ونى ەۋە كٶلٸگٸمەن تاسىمالداۋعا بولادى دەگەن قورىتىندىعا كەلگەن.
بٷگٸن ناۋقاس سانيتارلىق اۆياتسييا ارقىلى استاناداعى ۇلتتىق شۇعىل مەديتسينانى ٷيلەستٸرۋ ورتالىعىنا جەتكٸزٸلەدٸ. وندا وعان ەرٸ قاراي مامانداندىرىلعان ەم كٶرسەتٸلەدٸ.
ال جارىلىستان اۋىر جاراقات العان ەكٸنشٸ ناۋقاستىڭ جاعدايى ٶتە اۋىر كٷيٸندە قالىپ وتىر. دەرٸگەرلەردٸڭ ايتۋىنشا, ونىڭ دەنەسٸنٸڭ باسىم بٶلٸگٸن كٷيٸك شالعان.
