Foto: Kaztsink
Óskemendegi «Qaztsink» kásipornynda bolǵan jarylystan zardap shekkenderdiń biri sanitarlyq aviatsiia arqyly Astanaǵa jetkizilmek, dep habarlaidy Ult.kz.
Shyǵys Qazaqstan oblysy densaýlyq saqtaý basqarmasynyń málimetinshe, respýblikalyq deńgeidegi mamandar oblystyq mamandandyrylǵan meditsinalyq ortalyqta em alyp jatqan naýqastardy teksergen.
Dárigerler 1983 jyly týǵan er adamǵa bel omyrtqasynyń úshinshi omyrtqasy synǵan degen diagnoz qoiǵan. Mamandar ony áýe kóligimen tasymaldaýǵa bolady degen qorytyndyǵa kelgen.
Búgin naýqas sanitarlyq aviatsiia arqyly Astanadaǵy Ulttyq shuǵyl meditsinany úilestirý ortalyǵyna jetkiziledi. Onda oǵan ári qarai mamandandyrylǵan em kórsetiledi.
Al jarylystan aýyr jaraqat alǵan ekinshi naýqastyń jaǵdaiy óte aýyr kúiinde qalyp otyr. Dárigerlerdiń aitýynsha, onyń denesiniń basym bóligin kúiik shalǵan.
