«قازمۇنايگاز» ۇك» اق 2020 جىلعى نەگٸزگٸ قارجىلىق كٶرسەتكٸشتەرٸن جارييا ەتتٸ, دەپ حابارلايدى قازاقپارات.
«قمگ ٷشٸن 2020 جىل كٷردەلٸ كەزەڭگە اينالدى. دەگەنمەن, كومپانييامىز بارلىق قيىندىقتى ەڭسەرە بٸلدٸ. 2020 جىلى قمگ قارجىلىق نەتيجەلەرٸنە مۇناي باعاسىنىڭ قۇلدىراۋى, وپەك+ كەلٸسٸمٸ اياسىندا مۇناي ٶندٸرۋدٸ شەكتەۋ جەنە كوروناۆيرۋس ٸندەتٸ سيياقتى فاكتورلار ەدەۋٸر ىقپال ەتتٸ. بٸراق سىرتقى سىن-تەگەۋرٸنگە قارسى تۇرۋ ٷشٸن دەر كەزٸندە قولعا الىنعان ٸس-شارالار بٸز بولجاعاننان دا جاقسى كٶرسەتكٸشتەرگە جەتۋگە مٷمكٸندٸك بەردٸ. قمگ بۇل جولى مۇناي باعاسىنىڭ تٶمەندەۋٸنە بارىنشا دايىن بولىپ شىقتى. 2020 جىلدىڭ قورىتىندىسى بويىنشا كومپانييا وڭ بوس اقشا اعىنىن قامتاماسىز ەتٸپ, كرەديتتٸك رەيتينگتەردٸ ساقتاي الدى. قارجىلىق كوۆەنانتتاردىڭ بۇزىلۋىنا جەنە قارىزدىڭ ٶسۋٸنە جول بەرٸلمەدٸ», - دەدٸ قمگ باسقارما تٶراعاسىنىڭ ورىنباسارى دەۋرەن قاراباەۆ.
ونىڭ دەرەگٸنشە, تٷسٸم 2019 جىلعى 6 859 ملرد تەڭگەمەن سالىستىرعاندا, 2020 جىلى 4 556 ملرد تەڭگەنٸ قۇرادى. EBITDA كٶرسەتكٸشٸ 1 151 ملرد تەڭگە بولدى. كومپانييانىڭ تازا پايداسى 172 ملرد تەڭگەگە جەتتٸ. بوس اقشا اعىنى 88 ملرد تەڭگەنٸ قۇرادى. 2020 جىلعى 31 جەلتوقساندا كومپانييانىڭ تازا قارىزى 6 162 ملن اقش دوللارعا جەتٸپ, 2019 جىلدىڭ سوڭىنداعى كٶرسەتكٸشپەن سالىستىرعاندا 0,2 پايىزعا تٶمەندەدٸ. تازا قارىز 2019 جىلعى 31 جەلتوقسانداعى كٶرسەتكٸشپەن سالىستىرعاندا 2020 جىلعى 31 جەلتوقساندا 3,4 پايىزعا تٶمەندەپ, 9 690 ملن اقش دوللارىن قۇرادى.
